IMIBEREHO IKWIRIYE ABAKRISTO

Ese witeguye guhangana n’ibibazo biterwa n’ihungabana ry’ubukungu?

Iyo tubonye ukuntu ibintu bibaho muri iki gihe bituma ubukungu bw’isi buhungabana, ntabwo bidutangaza. Kubera iki? Ni ukubera ko turi ku iherezo ry’iminsi y’imperuka, kandi Bibiliya ikaba itugira inama yo kutiringira “ubutunzi butiringirwa” (1Tm 6:17; 2Tm 3:1). Reka turebe ukuntu ibyabaye ku Mwami Yehoshafati byadufasha kwitegura ibibazo by’ubukene bishobora kutugeraho.

Igihe Yehoshafati yaterwaga n’ibihugu byinshi, yiringiye Yehova (2Ng 20:9-12). Nanone yiteguye hakiri kare, yubaka imijyi igoswe n’inkuta ashyiraho n’imitwe y’ingabo, kugira ngo arinde igihugu (2Ng 17:1, 2, 12, 13). Natwe dukwiriye kwigana Yehoshafati tukiringira Yehova, kandi tukitegura hakiri kare guhangana n’ibibazo tuzahura na byo.

TWAKORA IKI NGO TWITEGURE GUHANGANA N’IBIBAZO BITERWA N’IHUNGABANA RY’UBUKUNGU?

Itegure mu buryo bw’umwuka: Jya witoza umuco wo kunyurwa kandi wiringire ko Yehova afite ubushobozi bwo kuguha ibyo ukenera buri munsi (Mt 6:26; 1Tm 6:8). Mu gihe ushakisha ibigutunga, ujye wirinda gukora ibyo Yehova adashaka (Rm 2:21). Nanone jya utekereza icyo uzakora kugira ngo ukomeze gusoma Bibiliya n’ibitabo by’imfashanyigisho zayo, mu gihe uzaba udafite amashanyarazi cyangwa interinete. Jya utoranya ibitabo bike byagufasha maze ubibike, kandi niba bishoboka uvane ku rubuga ibitabo bimwe na bimwe, ubishyire ku gikoresho cyawe cya elegitoronike.

Dore ibindi bintu wakora: Jya ugabanya amadeni ufite kandi wirinde gusesagura amafaranga mbere y’uko habaho ibibazo by’ihungabana ry’ubukungu (Img 22:7). Niba bishoboka, jya ugira ibyokurya ubika hamwe n’ibindi bintu by’ibanze wakenera. Hari bamwe bateye akarima k’igikoni maze amafaranga bari kugura imboga bakayazigama.

MUREBE VIDEWO IVUGA NGO: “ESE WITEGUYE GUHANGANA N’IBIZA?” HANYUMA MUSUBIZE IBI BIBAZO:

Amafoto yavuye muri videwo ivuga ngo: “Ese witeguye guhangana n’ibiza?” Utundi dufoto tugaragaza Bibiliya, agakapu ko guhungana n’abubatsi.

Wakora iki ngo witegure guhangana n’ibiza?

Andika igisubizo cyawe

Amafoto yavuye muri videwo ivuga ngo: “Ese witeguye guhangana n’ibiza?” Abavandimwe bari mu mirimo yo kubaka no gupakurura ikamyo kugira ngo bafashe bagenzi babo bahuye n’ibiza.

Wakwitegura ute gufasha abandi?

Andika igisubizo cyawe