Ese gukina urusimbi ni icyaha?

Icyo Bibiliya ibivugaho

Nubwo Bibiliya itavuga ibyo gukina urusimbi mu buryo bweruye, amahame ayikubiyemo ashobora gutuma dusobanukirwa ko Imana ibona ko gukina urusimbi ari icyaha.​—Abefeso 5:17.a

• Umururumba ni wo utera abantu gukina urusimbi, kandi Imana irawanga (1 Abakorinto 6:9, 10; Abefeso 5:3, 5). Abakina urusimbi baba biteze kubona amafaranga bayariye abandi, kandi Bibiliya ivuga ko kurarikira iby’abandi ari bibi.​—Kuva 20:17; Abaroma 7:7; 13:9, 10.

• Gukina urusimbi n’iyo byaba ku mafaranga make, bishobora gutuma ugira ingeso mbi cyane yo gukunda amafaranga.​—1 Timoteyo 6:9, 10.

• Akenshi abantu bakina urusimbi bishingikiriza ku miziririzo cyangwa ku mahirwe. Icyakora, Imana ibona ko kwizera ibintu nk’ibyo ari ugusenga ibigirwamana, kandi rwose ntibyemera.​—Yesaya 65:11.

• Bibiliya ishishikariza abantu gukorana umwete, aho kurarikira ibyo batavunikiye (Umubwiriza 2:24; Abefeso 4:28). Abakurikiza inama ya Bibiliya ‘barya ibyo bo ubwabo bakoreye.’​—2 Abatesalonike 3:10, 12.

• Gukina urusimbi bishobora gutuma ugira umwuka wo kurushanwa kandi Bibiliya ibiciraho iteka.​—Abagalatiya 5:26.