Эрэйдэнии хаһан эмэ бүтүө дуо?

БИБЛИЯ ТУОХ ДИИРИЙ

«Таҥара... харахтарын уутун хаас биирдии таммаҕын сотуоҕа, өлүү-сүтүү диэн аны суох буолуоҕа; энэлгэн, ытабыл-соҥобул, ыарыы эмиэ сүтүөҕэ» (Арыллыы 21:3, 4, Саҥа Кэс Тыл).

ЭҺИЭХЭ ОЛ ТУОХ СУОЛТАЛААҔА БУОЛУОЙ

Таҥара кими да эрэйдээбэтин билэбит (Иаков 1:13).

Таҥара аһынарын билэрбит биһигини уоскутар (Захария 2:8).

Эрэйдэнии бүтүө диэн кытаанах эрэли биэрэр (Псалом 36:9—11).

БИБЛИЯ ЭТЭРИГЭР ИТЭҔЭЙИЭХХЭ СӨП ДУО?

Сөп. Ону итэҕэйэргэ кырата икки биричиинэ баар:

• Таҥара эрэйдэниини уонна атаҕастабылы абааһы көрөр. Иегова Таҥара кини норуотун улаханнык баттаабыттарын хайдах ылыммытай? Библия этэринэн кини ону көрөн олус эрэйдэнэрэ (Судей 2:18).

  Таҥара дьоннор атыттары атаҕастыылларын сөбүлээбэт. Библия этэринэн кини хааны тоҕооччулары абааһы көрөр (Притчи 6:16, 17).

• Таҥара хас биирдиибит туһугар кыһаллар. Иегова туох баар кыһалҕаларбытын киниэхэ сүктэрэрбитигэр ыҥырар. Тоҕо диэтэххэ Библияҕа «Кини эһиги тускутугар кыһаллар» диэн этиллэр (1 Петр 5:7).

  Иегова бэйэтин Баһылыктааһынын көмөтүнэн хас биирдиибит эрэйдэниитин сотору суох оҥоруо (Матфей 6:9, 10). Ол эрээри кини оннооҕор билигин киниттэн көмөнү көрдөөччүлэри уоскутар уонна санааларын бөҕөргөтөр (Апостоллар 17:27; 2 Коринфяннарга 1:3, 4).