Таҥара Саарыстыбата диэн тугуй?

БИБЛИЯ ТУОХ ДИИРИЙ

«Халлааннааҕы Таҥара хаһан даҕаны урусхалламмат саарыстыбаны туруоруоҕа» (Даниил 2:44, Саҥа аан дойду тылбааһа).

«Биһиэхэ уол оҕо бэлэхтэннэ. Кини санныгар кинээс салайыыта сүктэриллиэҕэ» (Исаия 9:6).

ЭЙИЭХЭ ОЛ ТУОХ СУОЛТАЛААХ БУОЛУОЙ

• Эн олоххун тупсарар сөптөөхтүк салайар салалта (Исаия 48:17, 18).

• Кэлэр саҥа аан дойдуга чэгиэн доруобуйа уонна дьоллоох олох (Арыллыы 21:3, 4).

БИБЛИЯ ЭТЭРИН ИТЭҔЭЙИЭХХЭ СӨП ДУО?

Сөп. Ону итэҕэйэргэ кырата икки биричиинэ баар:

• Саарыстыба дьоннорго тугу оҥоруохтааҕын Иисус Христос көрдөрбүтэ. Иисус бэйэтин үөрэнээччилэрин Таҥара Саарыстыбата кэлэрин уонна сиргэ Таҥара көҥүлэ туоларын гына үҥэллэригэр үөрэппитэ (Матфей 6:9, 10). Иисус бу Саарыстыба Салайааччыта буолуохтааҕын быһыытынан, ити көрдөһүү хайдах туолуохтааҕын үчүгэйдик көрдөрбүтэ.

  Иисус сиргэ олоро сылдьан аччыктары аһатара, ыалдьыбыттары үтүөрдэрэ уонна оннооҕор өлбүттэри тилиннэрэрэ! (Матфей 15:29—38; Иоанн 11:38—44). Ол Таҥара Саарыстыбата салайан саҕалаатаҕына хайдахтаах үчүгэй олох күүтэрин эрдэттэн көрдөрбүтэ (Арыллыы 11:15).

• Таҥара Саарыстыбата чугаһаабытын аан дойду үрдүнэн туох буола турара көрдөрөр. Саарыстыба сиргэ эйэлээх олоҕу оҥоруон иннинэ киһи-аймах сэрииттэн, аччыктааһынтан уонна сир хамсааһыныттан эрэйдэниэ диэн Иисус эрдэттэн эппитэ (Матфей 24:3, 7).

  Чахчы даҕаны биһиги ол кэмҥэ олоробут. Ол иһин, Таҥара Саарыстыбата бу аан дойдуга туох баар проблеманы барытын быһаарыа диэн саарбаҕалаабаппыт.