139 ЫРЫА
Бэйэҕин саҥа аан дойдуга санаан көр
(Арыллыы 21:1—5)
1. Санаан көрүүй, эн уонна мин
Саҥа сиргэ сылдьарбытын санаа.
Хайдах курдук буолуой онно!
Куһаҕан түүл курдук ааһыаҕа,
Дьулаан кэмнэр бүтүөхтэрэ,
Куттал суоһаабат буолуо онно.
Айыы Тойоммут салайыыта кэлиэ.
Дьэ, уонна өрөгөй ырыата ньиргийиэ:
ХОС ЫРЫАТА
«Сири-халлааны Айбыт Айааччы,
Туох баары барытын эн айбытыҥ.
Ырыаҕа дуорааннаах гына доҕуһуоллаан
Эйиэхэ аныыбыт уруйу-айхалы».
2. Санаан көрүүй, эн уонна мин
Саҥа сиргэ олохсуйбуппутун.
Харах уутун Аҕа сотуо,
Кини дьоннуун бииргэ олоруо,
Өлүү-сүтүү суох буолуоҕа.
Төһөлөөх үөрүү-көтүү буолуой!
Утуйбут дьоммутун кытта көрсүөхпүт.
Дьэ, оччоҕо куолас муҥунан туойуохпут:
ХОС ЫРЫАТА
«Сири-халлааны Айбыт Айааччы,
Туох баары барытын эн айбытыҥ.
Ырыаҕа дуорааннаах гына доҕуһуоллаан
Эйиэхэ аныыбыт уруйу-айхалы».
(Ону таһынан Саал. 36:10, 11; Ис. 65:17; Иоанн 5:28; 2 Петр 3:13 көрүҥ.)