Биибилийэ үтүөрбэт ыарыылаах дьоҥҥо көмөлөһүөн сөп дуо?

Биибилийэ эппиэтэ

Таҥара ыалдьыбыт сулууспалааччыларын туһугар кыһаллар. Таҥараҕа бэриниилээх сулууспалааччы туһунан Биибилийэҕэ маннык этиллэр: «Ыалдьан-бохтон сыттаҕына, Айыы Тойон бөҕөргөтүөҕэ» (Саалтыыр 40:4). Ааспат ыарыылаах буоллаххытына эһиэхэ бу үс сүбэлэр көмөлөһүөхтэрэ:

1. Таҥараттан үҥэн күүһү көрдөөҥ. «Оччоҕо Таҥара хайа да бэйэлээх өй ситэн өйдөөбөт эйэтин эһиэхэ биэрэн» уоскутуо уонна өйүө (Филиппиецтарга 4:6, 7).

2. Үчүгэй эрэ туһунан толкуйдааҥ. Биибилийэҕэ маннык суруллар: «Сүрэх үөрүүтэ эмтиир, санаа түһүүтэ кэрбиир» (Аман өс 17:22). Кыраттан да үөрэргэ үөрэниҥ. Ол эһиги олоххутун киэргэтиэ уонна доруобуйаҕытыгар да туһалаах буолуо.

3. Инникигэ эрэлгитин кытаатыннарыҥ. Төһө да ааспат ыарыылаах буолбуккутун иһин, кытаанах эрэл үөрүүгүтүн сүтэрбэккитигэр көмөлөһүө (Римляннарга 12:12). Биибилийэ өтө көрөн маннык этэр: «„Мин ыалдьабын“, — диэн биир да киһи этиэ суоҕа» (Исайя 33:24, СД). Ол кэм кэллэҕинэ Таҥара аныгы наука кыайан эмтээбэт ыарыыларын барытын суох гыныа. Холобур, Биибилийэҕэ кырдьаҕас дьоннор төттөрү эдэрдэригэр түһүөхтэрэ диэн этиллэр: «Эдэр эрдэҕинээҕэр доруобай буоллун, эдэр сааһыгар курдук күүстээх-уохтаах буоллун» (Иов 33:25, СД).

Хос быһаарыы. Иегова Туоһулара төһө да барытыгар Таҥараҕа эрэммиттэрин үрдүнэн, ааспат ыарыылаах дьоннор эмтэниигэ наадыйалларын билинэллэр, ол иһин ыарыйдахтарына бырааска баран доруобуйаларын көрдөрүнэллэр (Марк 2:17). Ол эрээри биһиги эмтэнии ханнык да чопчу ньыматын өйөөбөппүт. Биһиги ханнык ньыманан эмтэнэри хас биирдии киһи бэйэтэ быһаарыахтаах дии саныыбыт.