Néndoo ge 12

J’illaje koji do kheme’d lem do mes’d lem to

See kheme lé j’a k’undaje dann kem ci’d to ge bann wa. (1) kor-khèm. (1)

See Chrétien a kwoji to ge bann bba to ge yeen aa goo rea maji woji do kaa ro wa. (2)

See tol daje lé majel wa. (3)

Turaje néraje ge woji to ge deou illa koji do kheme’d el. (4)

See godndu le Allah ge woji do mes lé to riwa. (5)

See godndu neelé woji do mes ge k’ula ro’d lem wa. (6)

1. Jéhovah bba to ngira kheme. Néje lai ge d’ishi khemba lé kheme le dee in ro Allah’d. (Psaumes 36:⁠10 [36:⁠9, NW ]) Non Allah’d lé, kheme to né ndam el. Kheme le ngonn ge too mee kean’d kârâ kem Jéhovah’d lé to né ge gadee goto. Koo gao tol ngonn ge aou unda rea mee kean’d lé majel yaan kem Allah’d.​—Teen Raga 21:​22, 23; Psaumes 127:⁠3.

2. Chrétienje ge togero’d lé d’aa goo ro dee maji woji do kaa ro. Deen tenn odoro le dee lem kei le dee lem d’oo see né ge a ree qe tuji goto kenneng wa. (Godndu 22:⁠8) Ngannjékishije le Allah lé d’unda ro dee tâ tuji’d qe mindé qe mba rolel esé mba ngur néje ge aou ra dee ngwod-ngwod el lem to. To ge bèe bba sportje ge woji do rö nan lé deen ra el to. Né-ndamje ge woji do néraje ge kerm kerm lé deen d’ain dee’d kain lem to.​—Psaumes 11:⁠5; Jean 13:35.

3. Kheme le daje kârâ to né ndam el kem Njékundanéje’d lem to. Chrétien as tol daje mba k’usa esé kan ngem ro, mba moei esé mbata a ree qe tuji dea’d lem to. (Ginn-né 3:21; 9:3; Teen Raga 21:28) Nê maji k’ ula kem daje ndôo el lem, esé tol dee naa ne ji k’ad el lem esé kari bèe kan rolel el lem to.​—Gosota 12:⁠10.

4. Kai sa, k’usa sa-betel qe kai sa mbangi lé to léee’d el mbata le Chrétien. Néraje neelé majel woji do néje gel munta (1) d’a teli’d bber le dee, (2) d’a tuji d’a roi, lem bba (3) to néje ge minan nom-nom lem to. (Romainje 6:19; 12:1; 2 Corinthienje 7:⁠1) Banelle kyän goo kularaje ge to ge bèe neelé a to kedere yaan. Nê jeen j’a raje mba taa ne kem Jéhovah.

5. Mes kârâ to né ndam el kem Allah’d to. Allah pana mes lé to âme, esé kheme. Ndaà maji k’usa mes el. Lem da ge mesee ree nang lai el lé maji k’usa el lem to. Da ge mbiri gwosee tolee esé wei tâ gum’d lé maji k’usa el to. Boo lee d’uree se bbandang esé d’unda qe bunduk, bba i ndigi k’usa ndaà maji kari unja gwosee.​—Ginn-né 9:​3, 4; Lévije 17:​13, 14; Néra 15:​28, 29.

6. See majel kar ci j’ulaje mes ro ci’d wa. J’arje mee ci wei do’d el Allah deji ci kar ci j’ogje ro ci do mes’d. Ge neelé pana j’a k’ulaje mes séen bè kârâ ro ci’d el, mes deou ge rang esé mes ci jeen ge d’or ngem el lem to. (Néra 21:​25) Chrétienje ge togero lé d’as kula mes ro dee’d el. Kumanje ge rang bba deen ndigi: to ge k’ula mann ro’g qe kumanje ge lal mes. Deen ndigi shi khemba, nê deen sang reou kaji ro dee kal ne do godnuje le Allah el.​—⁠Matthieu 16:⁠25.

[Foto ge to mee mbeteʼg 25]

Mba taa khem Allah ndaà j’a k’ulaje mes ro ci’d el, j’a k’yänje kula raje ge majel lem, qe k’unda ro ci qe minde’ tâ tuji’d lem to