Néndoo ge 13

See bann bba a kinga Ta-allah ge togero wa

See Allah ndigi Ta-allah-je lai esé kara ba kiao wa. (1)

See mba ribba ginn Ta-allah-je bula bbar ro dee’d Chrétienje wa. (2)

See Chrétienje ge togero lé as ger dee to ge bann wa. (3-7)

1. Jesu unda ginn Ta-allah le Chrétienje ge togero’d lé kara ba kiao. Ndaà njé ge d’aou pôlé Allah Jéhovah togero’d lé d’a to daro kara ba lem, kudu-dee kârâ a to kara ba kiao bbogenè lem to. (Jean 4:​23, 24; Ephésienje 4:​4, 5) Bible or gelee pana deouje jebere ba bèe bba d’unn reou ge njon ge aou teen kaji’d.​—Matthieu 7:​13, 14.

2. Bible illa mbéree ketté to ge goo kwei’d le apôtreje ndaà njétwoji néje ge ngom lem qe néraje ge wa boa Chrétien el d’a kand jann-jann mee kongrégation’d le Chrétienje. Deouje d’a kos njémeekunnje kar dee d’unn goo dee, deen, boo Kristi el. (Matthieu 7:​15, 21-23; Néra 20:​29, 30) Gelee ge nee bba j’ooje ne ginn Ta-allah-je bbed-bbed bbar ne ro dee’d Chrétienje. Nê see Chrétienje ge togero’d lé j’askem ger dee to ge bann wa.

3. Ndaji Chrétienje ge togero’d ge uru do loo lé to meenoji ge togero ge to dann dee’d yô ge nee. (Jean 13:​34, 35) Deen ndoo dee d’ar dee d’oo ro dee to ge deen maji yaan d’uru do deouje ge ginn koji le dee bbed el lem esé ndar ro dee to bbed el lem to. Tobei ndoo dee kar dee d’os deouje ge do bbeeje’d ge rang reou el lem to. (Néra 10:​34, 35) Ndaà deen d’ula ro dee dann röje’d el lem to. Chrétienje ge togero lé ra nan to ge qe njémeekonje bèe.​—1 Jean 4:​20, 21.

4. Ta-allah ge togero’d lé ndajee ge rang bei, deouje ge kenneng lé tedkag Bible yaan. Deen d’oo Bible ge Ta le Allah lem d’om meen dee do ta’d ge Bible pa lem to. (Jean 17:17; 2 Timothée 3:​16, 17) Deen d’oo, Ta le Allah maji yaan uru do takenjije esé néjibbeeje le deouje. (Matthieu 15:1-3, 7-9) Deen sang k’unn goo ta ge Bible pa ra ne kula qe ndoje lai. Ndaà né ge deen d’illa mbéree lé deen tel ra né ge bbed geee’g el to.​—⁠Tite 1:​15, 16.

5. Ta-allah ge togero’d lé askem k’illa ribbar do ri Allah’d. (Matthieu 6:⁠9) Jesu ra àr dee ger ri Allah, Jéhovah. Chrétienje ge togero lé d’a ra to ge bèe to. (Jean 17:​6, 26; Romainje 10:​13, 14) See deouje ge rabba ro si’d deb, d’aou twoji mar deeje ri Allah wa.

6. Chrétienje ge togero lé d’as killa mbér Bbeekon le Allah. Yee bba to kula ra Jesu. Yeen pa ta Bbeekon lé qe ndoje lai. (Luc 8:⁠1) Yeen deji njékwakillaje kàr dee d’illa mbér ta ge kara ba neelé do nang nee lai. (Matthieu 24:14; 28:​19, 20) Chrétienje d’unda meen dee’d to ge Bbeekon le Allah ya kara ba kiao as ree qe laphia ge togero’d lem, qe shi-lom ge togero’d do nang nee to.​—⁠Psaumes 146:​3-5.

7. Njékwakilla-jesu-je lé d’as k’ula ro dee dann meèyer ge duniya’d el. (Jean 17:16) Deen d’ula ro dee dann néje ge woji do politique el lem, ra ong woji do kishi maji ge duniya’d nee el lem to. Deen mbat panjaa, néraje lem, qe kula raje ge majal ge deouje ra dunyia’d nee. (Jacques 1:27; 4:⁠4) See sein gerje Ta-allah kara ro si’d deb ge aou qe ndajije le Chrétienje ge togero nee wa.

[Foto ge to mee mbeteʼg 26, 27]

Chrétienje ge togero’d lé ndigi nan yô ge nee; deen tedkag Bible lem deen d’illa mbér Bbeekon le Allah lem to