Bbeekon le Allah lé see to ri wa

1. Bbeekon le Allah lé see to ri wa

Bbeekon le Allah to Bbeekon kara ge to dara. Yee a taa tôr Bbeekonjé lai ge do nang nee. Yee a kar meendigi le Allah ra né dara lem, do nang nee lem to. To tar ge maji bba né el wa. Nai deb ndaà Bbeekon neelé a kar deouje né ge dˈaou ndéee mbol do konbbee lea ge maji. Yee a tö kulla noji le deouje lai ge dˈa kishi do nang nee.​—Turaje Daniel 2:44; Matthieu 6:9, 10; 24:14.

Bbeekon ge ra kârâ mbai dea shi kenneng. Jehova unda Ngonnee Jesu Kristi Mbai ge to njékunn do Bbeekon lea to.​—Turaje Lookillarea 11:15.

2. Mba ri bba Jesu to Mbai ge maji dum wa

Ngonn Allah to Mbai ge maji dum mbata yeen to njémeenda lem, njérareouta né ge danna lem to (Jean 1:14). Tobei Singamong lea as mba karee la né se deouje. Yeen shi dara nê,a kon loo ge nang nee. Bee bba loo ge yeen teen do kumbwaˈg ndaà yeen aou dara ishi do jikol Jehovaˈg, ngina né ndo ge a kˈunda né do kalimbaiˈg (Hébreuje 10:12, 13). Yenn bba, géee ge ndaà, Allah ula domong konbbee deaˈg.​—Turaje Daniel 7:13, 14.

3. Na bba a konbbee se Jesu wa

Deouje ge dˈishi qe kudu dee ge bbar dee “njémeendaje” dˈa kon bbee se Jesu nanˈd dara (Daniel 7:27). Njémeendaje ge dotar ge mber dee lé to njémeendalon donje, njékainkulaje le Jesu. Géee ge ndaà, Jehova ar njémeendalondonje ge rang, dingamje qe dennéje, dˈôré goo dee saar teen né bbogenè. To ge Jesu teen né do kumbwaˈg lé, deen kârâ teen do kumbwaˈg qe kuburu ro ge to ndil to.​—Turaje Jean 14:1-3; 1 Njé ge Corinthe 15:42-44.

Deouje kanda bba dˈa kaou dara wa. Jesu pa to ge dˈa to “ngann nékulje ge jebere.” (Luc 12:32). Kor dee lai lé a kˈain deouje 144 000. Deen dˈa kon do nang nee se jesu nanˈd.​—Turaje Lookillarea 14:1.

4. Ri bba ra né loo ge jesu unn kudu kon bbee wa

Bbeekon le Allah unn kudu konbbee ge leb ge 1914a. Né ge dotar ge Mbai Jesu ra lé, wa Cheitan qe ndilje lea ge yèr lé, illa dee do nang nee. Meen Cheitan in sea qe boo ong ndaà, yeen ra néje ar némeekonje taa do nang nee lai (Lookillarea 12:7-10, 12). Unn kudee mee lebee ge neelé, nékemndôoje ge to bbel aou teen do deoujeˈg do nang nee ge ketté-ketté. Röje, bboo bôoje, yoo ndagje qe do nangje ge aou yë lé, to ndaji néje ge twoji to ge nai deb kar Bbeekon le Allah lé ree on do nang nee.​—Turaje Luc 21:7, 10, 11, 31.

5. See ri bba Bbeekon le Allah aou ra wa

Bacinè, mbol do mbèr killa ge woji do Bbeekon le Allah do nang nee lai lé, ginnkoji deouje-deouje dˈaou tö kùlla noji le dee nanˈd. Deouje million bula ge dˈaou yururu lé dˈa to deou mee bbeeje ge Jesu a kon dee. Bbeekon le Allah a kaa do dee loo ge yee a tuji némajelje ge bacinè to do nang nee. Deouje lai ge ndigi kinga némajije ge woji do Bbeekon neelé, maji kar dee ndoo killa ngonnkoji do Jesuˈg mba to né deou mee bbeeje lea.​—Turaje Lookillarea 7:9, 14, 16, 17.

Loo ge Bbeekon le Allah a kon do nang nee leb 1 000 ndaà, Bbeekon neelé a ra néje ge Allah woji dotar mba ra kar deouje. Do nang nee lai a tel to Paradis. Rudu ndo néje lai ge ndaà, Jesu a rem qe Bbeekon lé kom ji Baubeeˈg gogo (1 Njé ge Corinthe 15:24-26). See deou kara ge sein ndigije pa tar le Bbeekon le Allah karee oo shi genn wa.​—Turaje Pakosje 37:10, 11, 29.