See ban bba njémeekeije dˈa shi qe rolel wa

1. Mba ri bba taa nan ba to maji mba rolel le njémeekeije wa

Jehova Nje tum ginn tarje ge maji, qe Allah ge Njerolel lé ndigi kar njémeekeije dˈishi qe rolel (1 Timothée 1:11). Yeen ya unda ginn taa-nan. Taa nan non njékonbbeejeˈg lé, to reou kishi qe rolel le njémeekeije. Maji mbata yee a kar dingam qe denné lea qe ngannje dˈishi né qe meekullom. Njétaamee-Kristije dˈa killa koji do godnduˈg le bbee ge dˈishi kenneng. Dˈa kar dˈunja ri dee mee mbété taa nanˈg non njékonbbeejeˈg.​—Turaje Luc 2:1, 4, 5.

Taa nan lé see Allah oo ban wa. Yeen ndigi kar kulla noji ge tö dingam kara qe denné kara lé to saar. Jehova ndigi kar dingam qe denné lea ngem ro dee dˈar nan yô ge nee (Hébreuje 13:4). Til mbété mariage lé to né ge to kenji kemeeˈg (Malachie 2:16). Yeen yan reou ar njetaamee-kirsti as til mbété mariage mba tel taa deou ge rang loo ge deou ge deen sea ra mariage lé ndal modkaiya.​—Turaje Matthieu 19:3-6, 9.

2. Ri bba dingam qe denné dˈa ra kar nan yô ge nee wa

Jehova unda dingam qe denné kar dee ra kula ge woji do dee do dee mba la né se nan loo ge deen taa nan (Loo-Kunda-Ginn-Néje 2:18). To ge yeen bba to deou do njémeekeije lea ndaà ngao denné lé kula ge woji dea lé, yeen ya a kar dee né ge dˈaou ndéee lem, yeen a ndoo dee né mba kar dee ger Allah lem to. Yeen a ndigi denné lea ge ngaomee kara ba. Dingam qe denné lea dˈa ndigi nan lem dˈa killa koji do nanˈd yô ge nee lem to. Ngao dennéje qe denné njéngaoje lai lé deen maji dˈor njorong el ndaà, reou kara kan kinga rolel mee keiˈg le dee lé maji kar dee ndoo mee koso lemse.​—Turaje Njé ge Ephèse 4:31, 32; 5:22-25, 33; 1 Pierre 3:7.

3. Taa nan ge rolel goto kenneng lé see a tinje nan wa

Bbo lee taa nan le si to majel ndaà maji kar si sein joo bör undaje nan dann kem nanˈd (1 Njé ge Corinthe 13:4, 5). Ta le Allah pana tin nan bba to reou gol ngann tarje ge aou to mbunan njétaa nanjeˈg el.​—Turaje 1 Njé ge Corinthe 7:10-13.

4. Ngannje see ri bba Allah ndigi mba si wa

Jehova ndigi kar ishije qe rolel. Yeen ar si ta kwojije ge maji dum mba kar si sein ubaje né maji loo ge sein naije basa bei. Yeen ndigi kar si ingaje reou kemkàr qe goso néra le njékojisije (Njé ge Colosses 3:20). Tobei yeen ndigi kar si gerje kinga rolel loo ge sein a raje né karee yeen ge Njekundasi lem,raje né ar Ngonnee lem to.​—Turaje Njekillambér 11:9–12:1; Matthieu 19:13-15; 21:15, 16.

5. Njékoji ngannje a raje ban mba kwa né do gol rolel le ngannsije wa

A raje kula ge tog si mba kar néso, loo to, kubu kula le ngannsije (1 Timothée 5:8). Nê mba kar dee dˈinga rolel ndaà maji mba ndoo dee né kar dee ndigi Allah lem, dˈyan reou dˈar Allah ndoo dee ne lem to (Njé ge Ephèse 6:4). Né ge sein aou raje mba twoji ne meenoji le si kan Allah lé a kar dee takenji ge maji yaan. Né ge sein aou ndoo deeje lé, bbo lé orje géee qe Bible ndaà a gol takenji le dee karee to maji.​—Turaje Tel-Tura-Godndu 6:4-7; Gosota-Kemkàrje 22:6.

Ngannje lé dˈa teen mbî loo ge dˈula dingam mee deeˈg lem, dˈos gaji dee lem to. Deen ndigi kar deou ndang dee lem, toji dee kemkàr lem to. Néndoo ge togebè lé a kog dee do kularaje ge majel ge a tuji rolel le dee (Gosota-Kemkàrje 22:15). Bee ndaà kwoji kemkàr neelé a to néra qe singa el lem, a to né kan kula kem deou ndôo el saar lem to.​—Turaje Njé ge Colosses 3:21.

Témoinje le Jehova ndang mbétéje bula ge woji do njékoji ngannje lem, woji do ngannje lem to. Mbétéje ge neelé tarje ge to kenneng dˈin mee Bibleˈg.​—Turaje Pakosje 19:7, 11.