Tar qe maji ge ban bba to mba reou ta Allahje wa

1. See reou ta Allahje lai lé maji wa

Reou ta Allahje lai lé, deouje ge meen dee ndakain dˈishi kenneng genn. Tar ge maji ndaà, Allah aou oo dee lem, enji do deeˈg lem to. Né ge to kemndôo lé, leou ba deouje dˈunn ta le Allah mba ra né néje ge majel (2 Njé ge Corinthe 4:3, 4; 11:13-15). Goo tarje ge dˈaou pa radioˈg lé ndaà, reouta Allahje ge nanje dˈula ro dee mbiriri loo néra kerm-kermˈg lem, loo tö kô ginn koji deoujeˈg lem, loo röjeˈg lem qe loo kwa ngannje too se deeˈg lem to. To nékemndôo ar njémeekunnje ge to deouje ge meen dee ndakain.​—Turaje Matthieu 24:3-5, 11, 12.

Loo ge reou TA-Allah ge togero aou ula ronduba do Allahˈg ndaà, reou ta Allhaje ge ngom dˈaou ra néje ge taa kemee el. Deen dˈaou ndoo deouje tarje ge ginnee goto mee Bibleˈg.Tar ngomje bba deen pa do Allahˈg lem,deen pa tar ngomje do deouje ge dˈwei lem to. Nê Jehova ndigi kar kem deouje inja do kankemta ge woji dea.​—Turaje Ézéchiel 18:4; 1 Timothée 2:3-5.

2. Tar ge maji ge ban bba to mba reou ta Allahje wa

Né ge to maji ger ndaà, Allah lé, reou ta Allahje ge dˈaou dˈer goso pana deen ndigee lé dˈas su kemee el mbata deen dˈunda nang nee ge Cheitan ya aou on lé bbá dann kem deeˈg (Jacques 4:4). Mee Bibleˈg lé reou ta Allahje ge ngom lé ria to “Babylone, bbee bôo.” Babylone to bbee bôo ge leou ge tum ginnee goo mann belmˈg. Mee bbee ge neelé bba deouje dˈunn kudu pôlé magje bbed-bbed kenneng. Nai deb kar Allah in rad mba tuji reou ta Allaje ge dˈaou dˈer deouje lem, dˈaou dˈula kem deouje ndôo lem to.​—Turaje Lookillarea 17:1, 2, 5, 16, 17; 18:8.

Nê tar ge maji neelé aar nang né ba el:Deouje ge meen dee ndakain ge dˈishi kara kara mbuna reou ta Allahje ge ngom do nang nee lai lé meen Jehova wei do deeˈg el. Yeen mbon do koso deouje neelé nanˈd, aou ndoo dee kankemta.​—Turaje Michée 4:2, 5.

3. Deouje ge meen dee ndakain lé see ri bba dˈa ra wa

Jehova aou enji do deouje ge ndigi kankemta lem qe né ge maji lem to. Yeen os dee bboin-bboin kar dee dˈyan reou ta Allahje ge ngom lé, dˈunda loo teen qe raga. Deou ge ndigi Allah lé ishi péréré mba tur panjàa mba ta kem Allah.​—Turaje Lookillarea 18:4.

Mee lebje ge njékainkulaje le Jesu dˈilla mbèr tarje ge maji dˈar deouje ge meen dee ndakain lé taa tarje neelé qe rolel. Jehova ndoo dee goso loo kishi maji ge cigi ge ar dee rolel yaan lem ar dee némekundayel lem qe néje ge yeen woji kar dee deen ra lem to. To netwoji mba ci jeen ya, mbata loo ge deen taa tarje ge maji neelé, néje lai ge deen ra ndaà, dˈunda meendigi le Jehova ya non deeˈg ketté mban bba deen ra nje ge rang bei.​—Turaje 1 Njé ge Thessalonique 1:8, 9; 2:13.

Deouje ge dˈuba reou ta Allahje ge ngom dˈyan lé, Jehova wa dee ge reaˈg mbuna njenoje qe lea ge dˈwa meen deeˈg. Bbar ge yeen bbar si lé bóo lee sein taaje ta lea ndaà, sein a to kuramareeje, njénojije lea a ndigi si qe mee kor jol-jol, lem bba sein a shije ge kheme qe non lem to.​—Turaje Marc 10:29, 30; 2 Njé ge Corinthe 6:17, 18.

4. Allah a ra ban bba kar rolel a to do nang nee lai wa

Ndo ra sariya ge woji do reouta Allahje ge ngom lé nai deb. To tar ge maji. Sariya neelé a kar meen deouje oso pon do nékemndôoˈg. Reou ta Allahje ge ngom lé dˈa ker deouje el lem, dˈa kar deouje tin nan el ya saar lem to. Deouje lai ge dˈa shi khemba lé, dˈa kôre nan kara ba mès mba kwa Allah ge togero kara ba kiao meen deeˈg.​—Turaje Lookillarea 18:20, 21; 21:3,4.