Néndoo ge 16

Ndukunn lei kan ra ne kula le Allah

See a ra bann bba a tel ne kuramar Allah wa. (1, 2)

See i mann roi bann bba ar Allah wa. (1)

See ndo ge rabba a kàr dee rai baptême wa. (2)

See a ra bann bba a kinga ne tögi mba shi ne ge mweisei le Allah wa. (3)

1. Mba tel kuramar Allah ndaà, maji kàr néger ge woji do ta ge togero ge mee Bible’d as meei maji (1 Timothée 2:​3, 4), unn meei do neje’d ge i ndoo (Hébreuje 11:⁠6), wa ndôo roi do kaiya’d lei (Néra 17:⁠30, 31), lem i os tel goo panjaai’d ge ketté to. (Néra 3:19) Geee’d ndaà meenoji lei kan Allah as kosi bboin-bboin kàri mann roi àree. Mannro kàr Allah lé, to k’ula Allah ta mee tamaji’d qe kàri loo kiya’g, to ge i àree roi mba ra ne mee ndigi lea.​—⁠Matthieu 16:24; 22:37.

2. Goo mannro’d lei kàr Allah ndaà, as kàr dee rai baptême. (Matthieu 28:​19, 20) Mbol do baptême bba, i woji ne kem deouje’d lai to ge i mann roi àr Jéhovah. Baptême lé to né ge woji do deouje ge tög ge ger ro dee bba mba kàr dee d’unn ne ndu dee ra ne kula le Allah. Ra baptême lé to k’ula deou bura dann mann’d waga bba k’oree raga bei.a​—⁠Marc 1:​9, 10; Néra 8:⁠36.

3. Loo ge i mann roi àree ndaà, Jéhovah a nginai mba koo kula rai see aou nan’d béréré qe ndukunn lei ya wa. (Psaumes 50:14; Ecclésiaste 5:​3, 4 [5:4, 5, NW]) Diable a sang reou kàri yän kula le Jéhovah. (1 Pierre 5:⁠8) Nê i rem per ro Allah’d mbol do tamaji. (Philippienje 4:​6, 7) I ndoo Ta lea qe ndoje lai. (Psaumes 1:​1-3) I nai ge ro kongrégation’d. (Hébreuje 13:17) Boo lee i ra néje nee lai ndaà a kinga tögi mba shi ne’g mweisei le Allah. Bèe bba, saar-saar qe non, a ra ne né ge Allah aou ngina roi’d lem to!

[Loo kunja ngonn tar]