See tornduje ge to mee Bibleˈg lé, majee to ri mba si wa

1. Mba ri bba deouje dˈaou ndôo kar dˈor non dee wa

Njékunda ci lé kemkàr lea ur do kan cijeen. To Bau ge njemeenoji ge aou enji do ciˈg. Tobei yeen unda ci kar ci jeen ra néje ge do ro ci el (Jérémie 10:23). Bee ndaà jeen lai jˈaou ndôo karee yeen ya or non ci to ge ngonn ge kas aou ndôo kar njékojeeje dˈor nean bee to (Ésaïe 48:17, 18). Tornduje ge to mee Bibleˈg lé, twoji ci reou nékarnoji ge in ro Allahˈg.​—Turaje 2 Timothée 3:16.

Godnduje qe tornduje le Jehova lé dˈaou ndoo ci loo kishi maji bbogenè lem twoji ci see ban bba jˈa kinga némajije ge dˈa to saar qe non mee lebje ge dˈa qe ree non ciˈg lem to. To ge yeen bba to Njékundaci lé, to léeeˈg mba kar ci jeen njaa goo godnduje ge lea qe meendakain ya.​—Turaje Pakosje 19:7, 11; Lookillarea 4:11.

2. Torndu ge to mee Bibleˈg lé to ri wa

Godndu lé to woji do né ge to ge kemee dôi,nê torndu lé to tana sea el mbata yee to kankemta ge to njang (Tel-Tura-Godndu 22:8). Mba ger see ban bba jˈa kunn torndu ge to mee Bibleˈg ra né kula loo ge né teen do ciˈg ndaà maji kenji tar ketté mban bba (Gosota-Kemkàrje 2:10-12). Nétwoji kara to nee: Bible ndoo to ge kishi khemba lé to nékarnoji ge in ro Allahˈg. Torndu ge maji dum neelé askem la se ci loo kulaˈg lem, mee keiˈg le ci lem qe loo kaou cijeˈg lem to. Yee a kos ci kar ci jeen ndoo loo kunda kemkàr mba kàa né ro ci.​—Turaje Néra Njékainkulaje 17:28.

3. See tornduje ge joo ge dˈur do mardeeje lé to ri wa

Jesu or goo tornduje joo ge to non mardeeje ge lai. Yee ge dotar or goo tar kishi khemba le deou: ger Allah lem, ndigee lem, ra kula lea ge meendakain lem to. Néje lai ge njunn ndu ci mba ra lé ndaà maji kar ci jˈenjije do torndu ge dotar ge neelé (Gosota-Kemkàrje 3:6). Deouje ge taa ta neelé ge do bbengere dee lé, dˈa to kuramar Allah lem, dˈa kinga rolel ge ged lem, dˈa kinga kheme ge qe non lem to.​—Turaje Matthieu 22:36-38.

Torndu ge njekom ge joo lé askem gol mee ci kar ci j om nanˈd ge marcije (1 Njé ge Corinthe 13:4-7). Mba kar ci jeen ra togebe ndaà, maji kar ci jeen ndaji gosee ge Allah oua né noji se deouje.​—Turaje Matthieu 7:12; 22:39, 40.

4. Tornduje ge to mee Bibleˈg lé, majeeje to ri mba ci wa

Tornduje ge to mee Bibleˈg lé dˈaou ndoo njémeekeije kar dee tö kulla noji le dee nanˈd néji dann meenojiˈg (Njé ge Colosses 3:12-14). Yee aa do njémeekeije lem, ndoo dee torndu ge rang ge to nee: taa nan lé to kulla noji ge tö dingam qe denne nanˈd neji.​—Turaje Loo Kunda Ginn Néje 2:24.

Tornduje ge to mee Bibleˈg lé dˈar ci takwojije ge maji woji do nékingaje lem, qe takenji ge to meen ciˈg lem to. Nétwoji kara to nee: Njékunn deouje kulaˈg lé, deen ndigi njérakulaje ge ra kula ge goo rebee lem, ra qe meen dee ge maji lem, dˈilla ne ngonnkoji do tar ge le Allah lem to (Gosota-Kemkàrje 10:4, 26; Hébreuje 13:18). Bible ndoo ci kar meen ci oso nang pon do né ge to ji ciˈg lem, kar ci jˈôré kem ci do kor kura ge Allah bbó jˈunda meen ci do nékingaje ge el.​—Turaje Matthieu 6:24, 25, 33; 1 Timothée 6:8-10.

Tornduje ge to mee Bibleˈg lé dˈa kar ci jˈunda kemkàr do ro ciˈg (Gosota-Kemkàrje 14:30; 22:24, 25). Bee bba godndu le Allah ge og ci tel bber le kido lé a kor ci tâ rokonje ge a tel gel yoo ci lem qe tâ tujije ge lem to (Gosota-Kemkàrje 23:20). Jehova og ci loo kai kido el nê maji kai karee al do ci el (Pakosje 104:15; 1 Njé ge Corinthe 6:10). Tornduje ge to mee Bibleˈg le majee to mba ndoo ci loo kunda kemkàr do néra cijeˈg lem, qe do takenjije le ci lem to (Pakosje 119:97-100). Loo ge njétaamee-Kristije ge togero dˈilla koji do godnduje ge le Allah lé, to mba kuba majee ba el. Deen ra bee mba kula ne ronduba do Jehovaˈg.​—Turaje Matthieu 5:14-16.