• Yeremiya 14:13
    Bhibhlya ya Dziko Ipswa

    • 13 Natenepa ine ndalonga: “Mama ine Mbuya Wankulu Yahova! Aprofeta ali kupanga mbumba kuti: ‘Imwe nee munadzaphiwa na supada, nee munadzathabuka na njala, mbwenye ine ndinadzakupasani ntendere wandimomwene mu dziko ino.’”+

  • Yeremiya 23:16, 17
    Bhibhlya ya Dziko Ipswa

    • 16 Ipi ndi pidalonga Yahova wa anyankhondo:

      “Lekani kubvesera mafala a aprofeta anakupangani maprofesiya.+

      Iwo asakunyengezani.*

      Masomphenya analonga iwo asabuluka mʼmitima yawo,+

      Tayu pamulomo wa Yahova.+

      17 Kuna ale anandipwaza, iwo asaapanga mwakubwereza-bwereza kuti:

      ‘Yahova alonga: “Munadzakhala na ntendere.”’+

      Kuna ale anapitiriza kubvera mitima yawo, iwo asaapanga:

      ‘Nee nyatwa ibodzi inafuna kukugwerani.’+

  • Yeremiya 28:1, 2
    Bhibhlya ya Dziko Ipswa

    • 28 Mu caka cibodzi cene, pakutoma kwa utongi wa Zedhekiya Mambo+ wa ku Yuda, pa mwezi wacixanu wa caka cacinai, mprofeta Ananiya mwana wa Azuri wakuti akhali wa ku Jibheyoni+ andipanga mafala awa panyumba ya Yahova pamaso pa anyantsembe na mbumba yonsene: 2 “Ipi ndi pidalonga Yahova wa anyankhondo, Mulungu wa Izraeli: ‘Ine ndinadzagwanda goli ya mambo wa ku Bhabhilonya.+

  • Nyimbo ya Ciliro 2:14
    Bhibhlya ya Dziko Ipswa

    • 14 Masomphenya adaoneswa aprofeta anu thangwi ya imwe akhali apezi na akusowa basa,+

      Iwo nee apangiza pakweca madodo anu, mbadacita pyenepi, imwe nee mbamudaendeswa ku ubitcu,+

      Mbwenye iwo apitiriza kukupangani masomphenya apezi na akunyengeza.+

      ס [Sameki]