Masalmo

 2 Ife tikhamanika maarpa athu,

Pakati pa miti* ya mu dziko ineyi.*+

 3 Kweneko, ale adatiendesa ku ubitcu atiphemba toera tiaimbire nyimbo,+

Ale akhatisingirira akhafuna kuti tiasekese:

 4 Tinakwanisa tani kuimba nyimbo ya Yahova

Mu dziko yacilendo?

 5 Iwe Yerusalemu, ine ndingakuduwala,

Djanja yanga yamadyo mbikhale yakusowa basa.*+

 6 Ine ndingakhonda kukukumbuka,

Ine ndingakhonda kuona Yerusalemu ninga wakufunika kakamwe

Kupiringana pinthu pinakomerwa na ine,+

Lirimi yanga mbiphatane na mulomo wanga.

 7 Yahova, kumbukani

Pidalonga Aedhomi pa ntsiku idagwa Yerusalemu:

 8 Iwe mwana wankazi wa Bhabhilonya, wakuti wasala pangʼono toera kufudzwa,+

Nyakutsandzaya ndi ule anafuna kukucitira

Pinthu pibodzi pyene pidacita iwe kuna ife.+

 9 Nyakutsandzaya ndi ule anafuna kuphata anako

Mbaapeyera pa miyala.+