Dheuteronomyo
33 Mose ntumiki wa Mulungu wandimomwene, mbadzati kufa,+ alonga mafala awa kuna Aizraeli toera kuapasa nkhombo. 2 Iye alonga:
“Yahova, abwera buluka ku Sinai,+
Iye ayetima pakati pawo bulukira ku Seiri.
Ayetima mu mbiri yace bulukira kucisa ca mapiri ku Parani,+
Iye akhali pabodzi na pikwi na pikwi pya aanju akucena,+
Anyankhondo ace akhali kunkono wace wamadyo.+
5 Iye adzakhala mambo wa Yesuruni,*+
Mu ndzidzi udagumanyikana atsogoleri a mbumba,+
Pabodzi na madzindza onsene a Izraeli.+
7 Iye alonga mafala awa toera kupasa nkhombo Yuda:+
“Imwe Yahova, bveserani fala ya Yuda,+
Mʼbwereseni pontho kuna mbumba yace.
Manja ace atsidzikiza pinthu pyace,
Mʼphedzeni toera akhonde kukundwa na anyamalwa ace.”+
8 Kuna Levi iye alonga:+
Mbamutoma kuketesana na iye ku madzi a Meribha,+
9 Munthu adapanga pai wace na mai wace kuti: ‘Ine nkhabe kukulemedzani.’
Iye nkhabe kutsalakana abale ace,+
Apwaza anace adabala iye,
Thangwi iwo abvera mafala anu,
Mbatoweza cibverano canu.+
11 Yahova, pasani nkhombo mphambvu yace,
Pontho komerwani na basa inaphata iye na manja ace.
Khumulani miyendo ya ale analamuka toera kumenyana na iye,
Toera ale anamuida akhonde kulamuka pontho.”
12 Kuna Bhenjamini iye alonga:+
“Wakufunika wa Yahova mbakhale mwakutsidzikizika cifupi na iye;
Mu ndzidzi unantsidzikiza iye pa ntsiku yonsene,
Iye anadzakhala mʼmapewa mwace.”
13 Kuna Zuze iye alonga:+
“Dziko yace mbipaswe nkhombo na Yahova,+
Na pinthu pyadidi kakamwe pyakudzulu,
Na bume pabodzi na madzi anawewa buluka pantsi pa mataka,+
14 Na pinthu pyadidi kakamwe pinakula na ciphedzo ca dzuwa,
Na pinthu pyadidi pinabvunwa miyezi yonsene,+
15 Na pinthu pyadidi kakamwe pinabuluka mʼmapiri akale,*+
Na pinthu pyadidi kakamwe pya mʼmapiri a kwenda na kwenda,
16 Na pinthu pyadidi kakamwe pya dziko yapantsi na pinthu pidadzala mwenemu,+
Na nkhombo za Ule adaonekera pa thendere ya minga.+
Mbapibwere pa nsolo wa Zuze,
Panthomera ya nsolo wa ule adasankhulwa pakati pa abale ace.+
17 Maonekero ace ndi ninga a ngʼombe imuna yakutoma kubalwa,
Nyanga zace ndi ninga nyanga za nyati.
Na nyanga zenezi, iye anadzasukhuma* nazo mbumba
Zonsene pabodzi pene, mpaka kunkhomo kwa dziko.
Iwo ndi pikwi na pikwi pya Aefraimu,+
Pikwi na pikwi pya dzindza ya Manase.”
18 Kuna Zebhuloni iye alonga:+
19 Iwo anadzacemera mbumba toera zibwere paphiri.
Penepo iwo anadzapereka ntsembe mwakulungama.
Thangwi iwo anadzabulusa mpfuma zizinji za mʼbara,
Na mpfuma idabisika mʼmatcetca.”
20 Kuna Gadhi iye alonga:+
“Mbapaswe nkhombo ule anathimizira cisa ca Gadhi.+
Iye asagona pantsi ninga nkhalamu,
Idakhunganyika toera kuluma nkono, inde, toera kuluma nsolo wa cinyama.
Atsogoleri a mbumba anadzagumanyikana pabodzi pene.
Iye anadzacita pinthu pyakulungama mu dzina ya Yahova,
Mbapangiza kutonga kwace kuna Aizraeli.”
22 Kuna Dhani iye alonga:+
“Dhani ndi nkhalamu ingʼono.+
Iye anadzanumpha buluka ku Bhasani.”+
23 Kuna Nafitali iye alonga:+
“Nafitali ali wakutsandzaya na nkhombo za Yahova.
Pontho adzala na nkhombo zace.
Kwata khundu yakumadokero a dzuwa na yakunterero.”*
24 Kuna Azeri iye alonga:+
“Azeri anapaswa nkhombo yakubala ana.
Abale ace mbapangize kukoma ntima kuna iye,
Mbatsuke miyendo yace na mafuta* a azeti.
25 Utale na nkuwa ndi mipiringanyo ya misuwo yako+
Unadzakhala wakutsidzikizika mu ntsiku zonsene za umaso wako.
26 Nkhabepo unango wakulandana na Mulungu wandimomwene+ wa Yesuruni,+
Anabwera buluka kudzulu toera kudzakuphedza,
Anafamba pa makole mu ukulu wace.+
27 Mulungu ndi mbuto yakuthawira kutomera kale na kale,+
Iwe uli mʼmanja akuti anakhala kwenda na kwenda.+
28 Izraeli anadzakhala wakutsidzikizika,
Mphuno ya madzi a Yakobe inadzawewa yokhene,
Mu dziko ya pyakudya na ya vinyu ipswa,+
Yakuti kudzulu kwayo kunabuluka mathotho a bume.+
29 Wakutsandzaya ndiwe Izraeli!+