Ndandanda Wa Nsonkhano Wa Basa

Sumana Inatoma Pa 13 Ya Nthanda Ya Murope

Nyimbo 41

Mphindi 10: Pidziwiso pyapampingo. Pidziwiso pyakusankhulwa m’Utumiki Wathu Wa Umambo. M’kuphatisira maperekero umboni anagumanika pa tsamba 8 peno maperekero umboni anango akubverana na cisa canu, pangizani kuti munagawira tani A Sentinela ya 15 de Março na Despertai! ya Março. Kunkhomo kwa cipangizo cibodzi na cibodzi, mmwazi mphangwa asafunika kucemerera mwanaciro nyumba ku Cikumbuso m’kuphatisira tsamba 32 ya revista inagawirwa.

Mphindi 15: “Phedzani Anango Kuti Aphindule Na Ciomboli.”a Nkhani yakutowerera inadzadingambo kuti tinaphatisira tani tsamba 206-8 ya bukhu yakuti Biblya Isapfunzisanji munacemerera ife anthu ku Cikumbuso.

Mphindi 20: Cakudya Cancidodo Ca Mbuya—Cikumbuso Cinalemedza Mulungu. Nkhani ya mabvunzo na matawiro yakubuluswa pa tsamba 206-8 ya bukhu yakuti Biblya Isapfunzisanji. Pa mafala akutoma akukhonda piringana phindi ibodzi, pangizani kuti mphangwa zenezi zinakwanisa tani kupangizwa mwanaciro nyumba m’kuleri ndima yakutoma. Mokhonda kuleri ndima zinango, phembani anyakugumanika kuti atawire mabvunzo awa akutowerera: (ndima 2) Kodi Yezu atomesa lini Cikumbuso ca kufa kwace? (ndima 3) Kodi Cakudya Cancidodo Ca Mbuya cisafunika kucitwa kangasi? (ndima 4) Kodi Biblya isafokotoza tani Cikumbuso? (ndima 5) Kodi tisadziwa tani kuti Yezu hadacita tayu nkate kudzadi manungo ace na vinyu kudzadi ciropa cace? (ndima 6) Kodi nkate wakusowa cimera usaphipirisanji? (ndima 7) Kodi vinyu yakufuwira isaphipirisanji? (ndima 8) Kodi mbani basi anafunika kudya nkate na kumwa vinyu? (ndima 9) Kodi Cikumbuso cisafunika kucitwa lini pa caka, na thangwi yanji tisafunika kugumanikapo? Nzidzi ungakhalapo dingani malemba anagomezera ntsonga. Wangisani onsene kudinga mphangwa zenezi na anyakupfunza a Biblya na anango anacemerera iwo ku Cikumbuso m’kuleri zindima, kudinga ntsonga zikulu, na kuphatisira mabvunzo okhonda nensa ninga anagumanika pano.

Nyimbo 134 na phembero yakumalisa.

Sumana Inatoma Pa 20 Ya Nthanda Ya Murope

Nyimbo 18

Mphindi 10: Pidziwiso pyapampingo. Onani ntsonga zikulu zinagumanika m’bokosi yakuti “Pinafunika Kukumbukirwa Pa Cikumbuso.”

Mphindi 23: Kudzindikira Basa ya Kristu M’masasanyiro A Mulungu. Nkhani yakubuluswa m’Organizados para Fazer a Vontade de Jeová, tsamba 10-13. Munadinga imwe ndima ziwiri zakutoma pantsi pa nsolo ung’ono wakuti “Qual é o papel de Cristo” phatisirani phindi zitatu peno zinai towera kupangiza njira za kucemerera ku Cikumbuso. Bwerezerani maonero anagumanika m’Utumiki Wathu Wa Umambo wa Madzalo wa 2006, tsamba 3, ndima 3.

Mphindi 12: Kuwangiswa M’kudinga Malemba Ntsiku Na Ntsiku. Nkhani na citsanzo yakubuluswa m’matsamba akutoma a Examine as Escrituras Diariamente—2006. Citani citsanzo cinapangiza banja mbicita lemba ya ntsiku na kuceza.

Nyimbo 103 na phembero yakumalisa.

Sumana Inatoma Pa 27 Ya Nthanda Ya Murope

Nyimbo 44

Mphindi 15: Pidziwiso pyapampingo. Kumbusani amwazi mphangwa kuti apereke lipoti ya basa ya mmunda ya nthanda ya Murope. Lerini lipoti ya kobiri pabodzi na tsamba ya filiali ya kupereka takhuta. M’kuphatisira maperekero umboni anagumanika pa tsamba 8 peno maperekero umboni anango akubverana na cisa canu, pangizani kuti munagawira tani A Sentinela ya 1.° de Abril na Despertai! ya Abril. Pangizanimbo maphatisiro a ncemerero wakudindwa towera kucemerera anthu akufuna ku Cikumbuso. Dingani nsolo wakuti: “Kodi Mungakwanise Kuleri Cilongero Canu?”

Mphindi 10: Kodi Mulungu Aciri Kutonga Pinthu Pya Pantsi Pano? Nkhani na citsanzo yakubuluswa pa tsamba yakumalisa ya A Sentinela ya 1.° de Abril 2006. Banzani mwai onsene towera kucemerera anthu ku nkhani yapakweca yakupambulika. Citani pyonsene towera kucemerera anyakupfunza a Biblya onsene pabodzi na piwalo pya banja yawo akuti nee ndi anyakupfunza a Biblya tayu. Anthu akufuna onsene anadziwa ife na anango anagumanikana na ife m’basa ya mmunda asafunika kupaswa ncemerero unoyu wakupambulika. Pangizani kuti munaphatisira ta ni A Sentinela ya 1.° de Abril munacemerera imwe munthu wakulimira kumwaza mphangwa peno wakulimira kugumanika pa misonkhano.

Mphindi 20: Pyakugumana napyo pyapampingo. Phembani anyakubvesera kuti alonge pyakugumana napyo pyawo m’kugawira bukhu yakuti Biblya Isapfunzisanji nkati mwa nthanda ya Murope. Gomezerani mapfunziro a Biblya adatomeswa. Mungakwanise kupangiza cakugumana naco cibodzi pano piwiri.

Nyimbo 170 na phembero yakumalisa.

Sumana Inatoma Pa 3 Ya Nthanda Ya Bwinja

Nyimbo 199

Mphindi 15: Pidziwiso pyapampingo. Bwerezerani mwacigwagwa nsolo wakuti: “Khalani Akutsanzaya M’kupfunza Bukhu Yakuti Kodi Mwandimomwene Biblya Isapfunzisanji?” unagumanika pa tsamba 6 ya Utumiki Wathu Wa Umambo wa nthanda ya Madzalo ya 2006. Longani pya ndandanda wa pfunziro ya bukhu yakuti Biblya Isapfunzisanji. Pangizanimbo maphatisiro a ncemerero wakudindwa towera kucemerera anthu akufuna ku Cikumbuso.

Mphindi 10: Dingani “Tsamba Yakubuluka Kwa Mathubo Akutonga” inagumanika pa tsamba 3 na 4. Gomezerani lipoti ya dziko yonsene na longani pyakugumana napyo pinagumanika m’A Sentinela ya 1.° de Fevereiro de 2006, tsamba 22-30.

Mphindi 20: “Pfunzisani Anyakupfunza A Biblya Kukhunganyikira Pfunziro.”* Phatanizani ntsonga zakubuluswa m’A Sentinela ya 1.° de Julho de 2004, tsamba 16, ndima 9. 

Nyimbo 93 na phembero yakumalisa.

[Footnotes]