Pidziwiso

◼ Mabukhu anafuna kugawirwa m’Nthanda ya Murope: Kodi Mulungu Alikuphembanji Kuna Ife? Peno bukhu yakuti Kodi Mwandimomwene Biblya Isapfunzisanji? Nthanda ya Bwinja na Gonkho: Gawirani A Sentinela na Despertai! Nthanda ya Khoni na Maluwa: Gawirani bruxura yakuti Mulungu Alikuphembanji. Phatisirani bruxura ineyi na cifuno ca kutomesa mapfunziro a Biblya a panyumba.

◼ Nakuti nthanda ya Bwinja ina masabudu na madimingu maxanu, ineyi inadzakhala nthanda yadidi ya kukhala mpainiya wakuphedza.

◼ Cikumbuso ca caka cino cinadzacitwa Ncitatu, ntsiku 12 ya nthanda ya Bwinja ya 2006. Khala mpingo wanu usacita misonkhano Ncitatu, misonkhano ineyi isafunika kucitwa pa ntsiku inango ya sumana yakuti Nyumba ya Umambo nkhabe phatisirwa basa. Khala nkhabe kwanisika kucita pa ntsiku inango na Nsonkhano wanu wa Basa wakhuyiwa, natenepa makhundu akufunika kakamwe m’mpingo mwanu angakwanise kuphatanizwa pa Nsonkhano unango wa Basa.

◼ Mipingo isafunika kugawira abale marevista a A Sentinela na Despertai! munamala iyo kwene kuatambira. Pyenepi pinacitisa amwazi mphangwa kudziwa mwadidi pinagumanika m’marevista anewa mbasati kuenda kaagawira m’basa ya mmunda. Utumiki Wathu Wa Umambo usafunikambo kugawirwa munamala iwo kwene kutambirwa. Panango ungakwanise kugawirwa kubulukira ku masasanyiro a Pfunziro ya Bukhu ya Mpingo.

◼ Filiali nkhabe tendeza kuphemba mabukhu kwa kucitwa na mmwazi mphangwa ekha. Amwazi mphangwa asafunika kuphemba mabukhu awo bulukira ku mpingo. Nyakuyang’anira wakutsogolera asafunika kucita masasanyiro towera pacitwe cidziwiso nthanda zonsene phembo ya mabukhu ya mpingo mbisati kutumizwa ku filiali towera onsene anafuna kuphemba mabukhu awo ene alonge na mbale anayang’anira mabukhu. Taphata mwendo, kumbukani mabukhu akuti ndi phembo yakupambulika, akuti asafunika kuphembiwa basiene na mpingo khala ali na mwanaciro adaaphemba. Pedido de Publicações (S-14) isafunika kutumizwa nthanda zonsene.

◼ Cidzindikiro kwa mulembi: Taphata mwendo lekani kuduwala kudzadza na kutumiza Lipoti ya Cikumbuso (S-7) pabodzi na lipoti ya mpingo wanu (S-1) ya nthanda ya Murope pa rota ya Bwinja.

◼ Abale anthu azinji asafuna kuona filiali. Natenepa tiri kupasa pitsogolero ipi pyakutowerera kwa alendo onsene:

1. Mbamusati kwenda kaona filiali, taphata mwendo onani pontho Perguntas Respondidas wa Nosso Ministério do Reino wa Junho de 2002 unalonga pya mabvaliro na makhunganyikiro munaenda imwe kaona nyumba za Beteli. Tisafunambo kukumbusa anyakubala kuti akhale duzi na anawo m’nzidzi onsene.

2. Khala nsoka ukulu usafuna kuenda kaona Beteli, taphata mwendo lembani peno menyani ntokodzi mbamusati kuendako. M’njira ineyi tinakwanisa kucita masasanyiro kuti alendo athu onsene atsalakanwe mwadidi. Na thangwi ya kucepa kwa banja ya Beteli, tingakwanise kutsalakana alendo akucepa basi pa ntsiku.

3. Beteli isaoniwa kutomera Nciposi mpaka Ncixanu, m’nzidzi 8:00 mpaka 11:00 wakumacibese na 1:00 mpaka 3:30 wakumaulo. Pyenepi pisaphataniza m’mafiriyadu. Tisatambirambo ale anafuna kuona Beteli pa Sabudu namacibese (kutomera pa nzidzi 8:00 mpaka 10:30 wakumacibese. Mbwenye iwo anaona pinthu pyakucepa thangwi piwalo pizinji pya Beteli pisagumanika m’basa ya mmunda peno m’mabasa anango a Mulungu m’nzidzi unoyu. Beteli nkhabe oniwa Nsabudu namaulo peno Ndimingu.

4. Anyakuenda kaona Beteli onsene asafunika kukhunganya motokala wawo ene. Mphyadidi kudziwambo kuti Beteli nkhabe kudzapasa cakudya peno mbuto yakugona kwa anadzaona.

◼ Mwambo wa Mosambiki wa Basa ya unyankhondo usaphemba aphale na atsikana onsene adakwanirisa piaka 18 pyakubalwa, kuti aende kalembesa ku mbuto yakulembera. Nzidzi udaikhwa towera kulembesa ndi kutomera 1 ya nthanda ya Thongwe mpaka 28 ya nthanda ya Madzalo pa caka. Ntsiku zenezi zingamala zisathimizirwa ntsiku 45, pyenepi pisabveka kuti ulemberi unaenda mpaka 15 ya nthanda ya Bwinja. Onsene ale anaphembwa kucita pyenepi asafunika kupicita mwakucimbiza, m’kupiona ninga ntemo Wacikristu kwa akulu a dziko. Akulu ampingo asafunika kukumbusa amwazi mphangwa akuti ali cifupi na piaka 18 pyakubalwa.

◼ M’nthanda ya Malandalupya tinadzakhala na kugawira kwakupambulika kwa marevista A Sentinela ya 1.° de Outubro na Despertai! de Outubro. Taphata mwendo perekani phembo yanu yakupambulika ya marevista anewa m’kuphatisira formulariu Pedidos de Congregação (M-202). Dzadzani kabokosi kakuti “Pedido Especial” kali ku nkono wamadyo mbumuitumiza ku filiali pa rota inafuna kudza.

◼ Mabiblya a Cingerezi na Cizungu a khoko yakufewa anagumanika kutomera pa nthanda ya Murope kuenda ntsogolo: Kusiyapo Biblya yapakati ya Tradução do Novo Mundo ya khoko yakuwanga, cincino iripombo Biblya ya pakati ya khoko yakufewa. Maseze Biblya ineyi ya khoko yakufewa yacitwa makamaka towera kugawirwa m’munda, amwazi mphangwa angafuna angakwanisembo kuiphatisira. Natenepa, Mabiblya a khoko yakufewa angafika m’mpingo mwanu, Mabiblya a khoko yakuwanga nkhabe funikabve kugawirwa m’munda. Mbwenye, Mabiblya a khoko yakuwanga anadzapitiriza kuphatisirwa na amwazi mphangwa. Mipingo isafunika kukhala na Mabiblya akucepa a khoko yakuwanga, thangwi iwo anadzaphatisirwa basi na amwazi mphangwa peno ale anagumanika pa misonkhano mwakukhonda phonya. Taphata mwendo onani kuti mbamusati kuphemba Mabiblya a Cingerezi na Cizungu a khoko yakufewa, Mabiblya a khoko yakuwanga anapitiriza kugawirwa mpaka apunguke mwakukwana. Buluka penepo, Mabiblya a khoko yakufewa angakwanise kuphembwa ku filiali. (Towera kukhala na mphangwa zakuthimizirika, taphata mwendo onani tsamba idatumizirwa mipingo yonsene ya ntsiku 1 ya nthanda ya Novembro ya 2005.)

◼ Cidzindikiro Kwa Ayang’aniri A Mabukhu: Towera kuphemba Biblya yapakati yacikafiri, phatisirani numero ya Biblya 5116 na cidzindikiro bi12. (Onani kuti Mabiblya anagumanika m’cikafiri ndi a khoko yakufewa basi.) Towera kuphemba Mabiblya apakati a Cingerezi na a Cizungu a khoko yakuwanga, phatisirani numero ya Biblya 5112 na cidzindikiro Hbi12. Towera kuphemba Mabiblya apakati a Cingerezi na a Cizungu a khoko yakufewa phatisirani numero ya Biblya 5116 na cidzindikiro bi12.

◼ Abale anayang’anira mabukhu na mulembi wampingo, taphata mwendo, onani pinalongwa pantsiapa pya kuphemba mabukhu: (1) Onani khala mabukhu anaphemba imwe na ntsama yawo ndi anafunikadi. (2) Musafunika kudziwadi pinthu pinaphemba imwe, makamaka khala ndi phembo yakupambulika, ninga makasete akubvesera, mavidiyu na maCD na pinango—m’midzidzi inango filiali isatambira pinthu pinabwezwa na mipingo na tsamba yakuti cinthu ceneci caphembiwa mwakudodomeka thangwi yakukhonda kucidziwa. (3) Onani khala anthu anacita maphembo akupambulika khala asapifunadi pinaphemba iwo, na khala abale asaidziwa kobiri inabvungwa m’pinthu pyenepi. (4) M’nzidzi onsene phatisirani formulariu yakuti Pedido de Publicações (S-14) pa kuphemba mabukhu. Mphyakufunika kuona mwakubwerezera towera kutoweza pitsogolero na madzadziro anagumanika m’Manual da Torre de Vigia para Pedidos de Publicações (S-15a) towera kuphemba mabukhu a pa mpingo.

◼ Mabukhu Mapswa Anagumanika:

Kodi Dziko Ino Inadzapulumuka? (T-19)—Ncindau

Kodi Mbani Ali Kutongadi Dziko? (T-22)—Ncindau

Kodi Mboni Za Yahova Zisakhulupiranji? (T-14)—Ncindau

Kodi Mwandimomwene Biblya Isapfunzisanji?—Chichewa; Chichewa m’Malemba Makulu; Cichuabo; Cimacua; Braile Kalase 2 Cingerezi; Cingerezi m’Malemba Makulu; Cisena; Cishona; Cishona m’Malemba Makulu; Citsonga; Cizungu; Braile m’Cizungu; Cizungu m’Malemba Makulu na Xitshwa.

Kunenseka Konsene Kuli Duzi Na Kumala! (T-27) —Chichewa; Cichuabo; Cilomwe; Cimacua; Cindau; Cingerezi; Braile Kalase 2 Cingerezi; Cisena; Cishona; Citsonga; Cizungu; Xitshwa.

Tsanzayani Na Umaso Wa M’banja (T-21)—Ncindau

◼ Tiri akukomerwa kukudziwisani kuti mipingo iri pantsiapa yamalisa kumanga Nyumba zawo za Umambo: Choupal, Gumana, Migode, Namitanda na Ng’anwa.