Pinafunika Kukumbukirwa Pa Cikumbuso

Cikumbuso ca caka cino cinacitwa Ncitatu, ntsiku 12 ya nthanda ya Bwinja. Akulu ampingo asafunika atsalakane pinthu ipi pinatowerera.

◼ Pakusankhula nzidzi wa nsonkhano unoyu, onesani kuti pidzindikiro pikhonde kuperekwa dzuwa mbisati bira.

◼ Anthu onsene, kuphataniza nyakukamba nkhani, asafunika kudziwiswa nzidzi na mbuto inafuna kucitirwa cikumbuso.

◼ Pasafunika kucitwa nkate na kugula vinyu ya ntundu wakuthema towera kupiphatisira.—Onani A Sentinela ya 15 de Fevereiro de 2003, tsa. 14-15.

◼ Maparato, makopo, meza yakuthema na nguwo yakuphimbira meza pisafunika kubwereswa mwanyapantsi m’nyumba ya umambo.

◼ Nyumba ya Umambo peno mbuto inango inafuna kucitirwa nsonkhano unoyu isafunika kuceneswa mwadidi mwanyapantsi.

◼ Akalindi na anyakupereka pidzindikiro asafunika kusankhulwa mwanyapantsi na kupangwa basa yawo, njira inafuna iwo kuperekera pidzindikiro, na kuti asafunika kukhunganyika mwadidi na kubvala nguwo zakuthema.

◼ Citani masasanyiro towera kupereka pidzindikiro kwa akudzodzwa onsene adacimwana kufika pa mbuto na akuduwala.

◼ Khala mipingo mingasi inadzaphatisira Nyumba ya Umambo ibodzi ene, mipingo ineyi isafunika kubverana mwadidi kuti anthu adzakhonde patana pa nsuwo, pa berere, pa cintalo, m’njira na pakuikha miotokala.