Pidziwiso

◼ Mabukhu anafuna kugawirwa m’Nthanda ya Gonkho: A Sentinela na Despertai!. Nthanda ya Khoni na Maluwa: Bruxura yakuti Mulungu Alikuphembanji. Phatisirani bruxura ineyi na cifuno ca kutomesa mapfunziro a Biblya. Nthanda ya Malimwe: Katsamba konsene kanagumanika pa mpingo. Nthanda ya Nyenzi: Kodi Mwandimomwene Biblya Isapfunzisanji? Tisafunika kuwangisira towera kutomesa mapfunziro a Biblya pa ulendo wakutoma. Munthu onsene adapasa ife bukhu asafunika kucitirwa ulendo wakubwerezera na cifuno ca kutomesa pfunziro ya Biblya yapanyumba.

◼ Nakuti nthanda ya Maluwa ina masabudu na madimingu maxanu, ineyi inadzakhala nthanda yadidi ya kukhala mpainiya wakuphedza.

◼ Nyakuyang’anira wakutsogolera peno unango wakusankhulwa na iye asafunika kudingisa matsamba a kobiri a mpingo pa 1 ya nthanda ya Khoni peno mokhonda dembuka pakupita ntsiku ineyi. Khala mpingo usakoya kobiri inango pakhundu, ninga ya kusasanyira peno kumanga nyumba za umambo, pasafunika kucitwa masasanyiro kuti matsamba a kobiri ineyi adingisiswembo. Kudingisa kweneku kungamala, mpingo usafunika kudziwiswa pa lipoti ya kobiri inafuna kudza.

◼ Tikuphemba kuti maformulariu a upainiya wa nzidzi onsene aperekwe ku ofesi ya filiali mbukudasala ntsiku zokhonda cepa 30 mbisati fika ntsiku inafuna iwo kutoma upainiya. Mulembi wa mpingo asafunika kuonesesa maphembo anewa towera kuona khala alembwa mwadidi. Khala anyakuphemba kukhala apainiya nkhabe kumbuka ntsiku idabatizwa iwo, asafunika kunyerezera ntsiku yakuti iri cifupi na idabatizwa iwo mbaikoya. Mulembi asafunika kulemba ntsiku ineyi pa Registro de Publicador de Congregação (S-21).

◼ CIDZINDIKIRO CAKUPAMBULIKA: Pyakupereka pinacitwa na cheque pa misonkhano ya cisa, misonkhano yakupambulika, misonkhano ya gawo na pinaikhwa m’bokosi ya Nyumba ya Umambo ya donativos para a obra mundial (Pyakupereka pya basa ya dziko yonsene yapantsi) pisafunika kulembwa m’dzina ya “Associação das Testemunhas de Jeová de Moçambique.”

◼ Mabukhu Mapswa Anagumanika:

Bukhu Yanga Ya Mbiri Za Bibilya  —Ncilomwe