Ndandanda Wa Nsonkhano Wa Basa

Sumana Inatoma Pa 8 Ya Nthanda Ya Gonkho

Nyimbo 2

Mphindi 10: Pidziwiso pyapampingo. Pidziwiso pyakusankhulwa m’Utumiki Wathu Wa Umambo. M’kuphatisira maperekero umboni anagumanika pa tsamba 4 peno maperekero umboni anango akubverana na cisa canu, pangizani kuti munagawira tani A Sentinela ya 15 de Maio na Despertai! ya Maio. Citsanzo cibodzi cisafunika kupangiza mmwazi mphangwa mbakapasa revista ya A Sentinela ya 1.° de Maio na 15 de Maio na revista Despertai! ya Maio munthu anatambira marevista mokhonda phonya wakuti hadatambira tayu A Sentinela ya 1.° de Maio. Munagawira mmwazi mphangwa marevista matatu, asafunika kugomezera revista ibodzi basi. Amwazi mphangwa angakwanise kuenda kaona anyakutambira marevista mokhonda phonya kabodzi peno kawiri pa nthanda.

Mphindi 20: “‘Nditowereni’ Kwenda na Kwenda.”a Bvunzani mwacigwagwa mmwazi mphangwa wakuti asawangisira kululupisa umaso wace na kucepesa kusaka pinthu pyace pyakumanungo towera kuendesa kutsogolo pyakufuna pya Umambo na kutumikira anango. Gomezerani nkhombo zidatambira iye m’kucita pyenepi.

Mphindi 15: Pyakugumana napyo pyapampingo. Phembani anyakubvesera kuti alonge maphindu adagumana iwo m’kuphata kwawo basa ya mmunda nkati mwa nthanda ya Murope na Bwinja. Gomezerani maphindu adagumanwa m’kutomesa mapfunziro a Biblya na kuphedza anthu apswa kugumanika pa Cikumbuso. Mungakwanise kupangiza cakugumana naco cakuthema cibodzi peno piwiri.

Nyimbo 91 na phembero yakumalisa.

Sumana Inatoma Pa 15 Ya Nthanda Ya Gonkho

Nyimbo 9

Mphindi 10: Pidziwiso pyapampingo. Wangisani onsene kuti aone vidiyu yakuti Noé—Um Homem Que Andou com Deus peno kuleri mbiri 9-11 ya Bukhu Yanga Ya Mbiri Za Bibilya m’kukhunganyikira Nsonkhano Wa Basa wa sumana ya 29 ya nthanda ya Gonkho.

Mphindi 10: Kuphata Basa Pabodzi Mwakubverana Pantsi Pa Citsogolero Ca Kristu. Nkhani yakubuluswa m’bukhu yakuti Organizados para Fazer a Vontade de Jeová, pantsi pa nsolo ung’ono wakuti “O que significa reconhecer seu papel” pa tsamba 13-15.

Mphindi 25: “Kumanga Nyumba Za Umambo—Khundu Yakufunika Ya Basa Yakucena.”* Bvunzani abale angasi akuti acita khundu m’kumanga na kumanga papswa Nyumba za Umambo.

Nyimbo 133 na phembero yakumalisa.

Sumana Inatoma Pa 22 Ya Nthanda Ya Gonkho

Nyimbo 86

Mphindi 12: Pidziwiso pyapampingo. Lerini lipoti ya kobiri pabodzi na tsamba ya filiali ya kupereka takhuta. M’kuphatisira maperekero umboni anagumanika pa tsamba 4 peno maperekero umboni anango akubverana na cisa canu, pangizani kuti munagawira tani A Sentinela ya 1.° de Junho na Despertai! ya Junho. Pitsanzo pyenepi pisafunika kupangiza banja mbikayesera uperekero umboni.

Mphindi 15: “Pangizani Kutsalakana Kwanu Anango—M’kukhala Akukoma Ntima.”* Munadinga imwe ndima 4, onani mwacigwagwa bokosi yakuti “O que dizer quando a secretária eletrônica atende?” pa tsamba 2 m’Nosso Ministério do Reino wa Novembro 2000.

Mphindi 18: Maonekero adidi. Kuceza na anyakubvesera m’kuphatisira bukhu ya Escola do Ministério, tsamba 131-3. Onani midida mixanu idandandalikwa inalonga pya kubvala na makhunganyikiro athu. Longani kuti tingakwanise kuphatisira mwaluso mphangwa zenezi towera kuphedza anyakupfunza a Biblya kudziwa mabvaliro akuthema pa misonkhano ya mpingo.

Nyimbo 215 na phembero yakumalisa.

Sumana Inatoma Pa 29 Ya Nthanda Ya Gonkho

Nyimbo 42

Mphindi 10: Pidziwiso pyapampingo. Kumbusani amwazi mphangwa kuti apereke lipoti ya basa ya mmunda ya nthanda ya Gonkho.

Mphindi 10: M’nthanda ya Khoni gawirani bruxura Mulungu Alikuphembanji. M’kuphatisira maperekero umboni anagumanika pa tsamba 5-6 ya Nosso Ministério do Reino wa Janeiro 2005, peno maperekero umboni anango akubverana na cisa canu, pangizani kuti munagawira tani bruxura yakuti Kodi Mulungu Alikuphembanji Kuna Ife? Nzidzi ungakhalapo, phembani anyakubvesera kuti alonge maphindu adidi adagumana iwo m’kuphatisira bruxura ineyi mmunda.

Mphindi 25: “Citsanzo Kuli Mathunga Onsene.” Pakumala kulonga mafala akutoma mbamukhonda piringana mphindi ibodzi, tomani kuceza na anyakubvesera m’kuphatisira vidiyu inalonga pya Noa, m’kuphatisira mabvunzo onsene adandandalikwa pa ndima yaciwiri. Buluka penepo, dingani mbvunzo na malemba anagumanika pa ndima yacitatu.

Nyimbo 9 na phembero yakumalisa.

Sumana Inatoma Pa 5 Ya Nthanda Ya Khoni

Nyimbo 176

Mphindi 10: Pidziwiso pyapampingo.

Mphindi 15: Pyakufuna pyapampingo.

Mphindi 20: Njira Yakupembera M’kucita Maulendo Akubwerezera. Kuceza na anyakubvesera m’kuphatisira bokosi inagumanika pa tsamba 16 ya A Sentinela ya 15 de Novembro 2003. Dingani njira zenezi zinomwe ibodzi na ibodzi, na phembani anyakubvesera alonge kuti zenezi zinakwanisa tani kuphatisirwa m’cisa cathu. Wangisani anyakumwaza mphangwa towera acite maulendo akubwerezera na cifuno ca kutomesa mapfunziro a Biblya na ale onsene adatawira mabukhu peno adapangiza kufuna. M’kuphatisira njira ibodzi inagumanika pa tsamba 6 ya Utumiki Wathu Wa Umambo wa nthanda ya Thongwe 2006, pangizani kuti tinakwanisa tani kutomesa pfunziro ya Biblya munacita ife ulendo wakubwerezera.

Nyimbo 57 na phembero yakumalisa.

[Footnotes]