Pidziwiso

◼ Mabukhu akugawira m’Nthanda ya Madzalo: Katsamba konsene kanagumanika pa mpingo peno mabukhu akusala a Profecia de Isaías vol. I na II anagumanika pa mpingo. Nthanda ya Murope: Gawirani bukhu yakuti Biblya Isapfunzisanji na wangisirani towera kutomesa mapfunziro a Biblya. Nthanda ya Bwinja na ya Gonkho: Tinadzagawira A Sentinela na Despertai! Tingacita maulendo akubwerezera kwa anthu adapangiza kufuna, kuphataniza ale adagumanika pa Cikumbuso na/ peno pa pyakucitika pinango pyaumulungu mbwenye nee asagumanyikana m’nzidzi onsene na mpingo, wangisirani kugawira bukhu yakuti Biblya Isapfunzisanji, khalani na cifuno ca kutomesa pfunziro ya Biblya. Nthanda ya Khoni: Mulungu Alikuphembanji, Munakwanisa kukhala Xamwali Wa Mulungu!, Quando Morre Alguém Que Amamos peno bruxura yonsene ya matsamba 32 inagumanika pa mpingo.

◼ Mulembi na muyang’aniri wa mmunda asafunika kuona basa ya apainiya a nzidzi onsene a pa mpingo. Khala alipo anacimwana kukwanirisa midzidzi inafunika iwo kucita, akulu ampingo asafunika kucita masasanyiro towera anewa atambire ciphedzo. Towera mugumane maonero adidi, onani pontho matsamba a caka na caka, S-201.

◼ Nsolo wa nkhani yakupambulika yapakweca ya nzidzi wa Cikumbuso ca 2007 unadzakhala: “Munakwanisa Kukhala Wakutsidzikizika M’dziko Ino Ya Nyatwa!” Onani cidziwiso cakulandana m’Utumiki Wathu Wa Umambo wa nthanda ya Malandalupya.

◼ Mipingo isafunika kutoma cincino kutumiza phembo yawo ya Watchtower Library—2006. Iripo basi kwa Mboni za Yahova na isagumanika N’Czech, Cidanish, Cidutch, N’cingerezi, Cifanish, Cifrança, Cialemanha, Ciitaliya, Cijapunezi, Cikoreia, Cinoroega, Cizungu na Ciespanholi. Mpaka pa ntsiku inafuna kubuluswa iyo na kutumizwa, phembo ineyi inadzapangizwa pa ndandanda wa pidaphembwa ninga pendente. Maphembo a ubulusi wa 2005 adacitwa kale anadzathukusirwa ku ubulusi upswa. Ubulusi wa 2006 unadzathimizira mabukhu adabuluswa nkati mwa 2006. Programu inadzakhala yadidi yakulandana na ubulusi wa 2005, mbikhonda khala na maferamentu mapswa. Mbwenye, Mathubo Akutonga atawirisa programu ipswa inacemerwa Watchtower Reader. Programu ineyi ndi yakulandana na Watchtower Library. Nyakuiphatisira anakwanisa kucita pinthu pizinji pyakutoma pya Watchtower Library, mbwenye m’njira zizinji ndi yakukhonda nensa kuipfunza na kuiphatisira. Iyo iri na bokosi ibodzi ya pitsogolero pya kuenda kunadingwa mafala, mbuto mwa mabokosi akusiyana-siyana mwakubverana na bukhu peno basa, na pali janela ibodzi basi. Ntsogolo ntundu wakuthambaruka wa programu ineyi ipswa unadzapitira mbuto programu ya lero mbikhala Watchtower Library. Mwakuphindulisa, Watchtower Reader nkhabe funika mphangwa zinango zinaphataniza Tradução do Novo Mundo yamumphu na volumes za Estudo Perspicaz. Natenepa m’kupita kwa nzidzi abale analeri pilongero pinango akuti nkhabe Watchtower Library anakwanisa kuphindula na programu ya bibliyoteka ya m’ntcini wanzeru. Towera kupasa mwai anyakuphatisira Watchtower Library kuyesera programu ipswa, Ubulusi wa Watchtower Library—2006 m’CD-ROM unadzakhalambo na ntundu wa Watchtower Reader. Khala imwe musaphatisira Watchtower Library, munakwanisa kupitiriza kucita pyenepi, mbwenye tiri kukuwangisani kuikhambo m’ntcini wanu wanzeru Watchtower Reader. M’kucita pyenepi munakwanisa kudzoloera programu ipswa. Pyenepi pinadzakukhunganyani ku caka cinafuna kudza, munafuna kudzaphatisirwa programu iyi yakukhonda nensa ya Watchtower Library. Munadzakwanisa kuikha m’ntcini wanu wanzeru Watchtower Library—2006 na Watchtower Reader akubulukira m’CD-ROM ibodzi ene, na mphangwa zinagumanika zinadzakhala sawasawa. Maprogramu anewa mawiri anadzafuna Windows 98, Millennium, NT, 2000, XP, peno yakupiringana ineyi. Ipi pinakwanisa kuphatisirwa basi mwadidi na abale ali na mitcini yanzeru yakuti iri na cd drives.

◼ Cenjezo Kwa Ayang’aniri A Mabukhu Na Alembi A Mipingo: Mungafuna kudziwisa filiali thangwi ya mabukhu adatumizwa ku mpingo unango mwakudodomeka peno akuti mudaatambira tayu, taphata miyendo, pingakwanisika khalani na tsamba idalembwa mabukhu adatumizwa inagumanika m’bokosi ya mabukhu. Mungafuna kulembera ofesi ya filiali, taphata miyendo, tumizani kopya ya tsamba peno matsamba anewa.

◼ Cenjezo kwa Atumiki Anatsalakana Mabukhu: Anango asabvunza kuti asafunika kutumiza lini formulariu ya Pedido de Publicações (S-14) towera kucita basa yadidi yakukwanisika. Taphata miyendo onani ndandanda wa rota yanu. Atumiki anango anatsalakana mabukhu asadembuka mwakusowa basa kutumiza formulariu ya (S-14), asaluza motokala wa rota peno m’njira inango asaitumiza mwakudembuka. Kutumiza phembo na fax peno kumenya ntokodzi kusafunika kucalirwa pingakwanisika nakuti kwaoneka kukhala kwadidi kuphatisira njira yapadzulu apa.

[Caption on page 5]

(Pisapitiriza pa tsamba 11, koluna 1)

[Caption on page 11]

Pidziwiso (Upitirizo)