Pidziwiso

◼ Mabukhu anafuna kugawirwa mu Nthanda ya Maindza: Bukhu Yanga Ya Mbiri Za Bibilya peno bukhu inango yonsene yakukhala na matsamba 192 yakuti isagumanika pa mpingo. Nthanda ya Thongwe ya 2008: Bukhu yonsene yakukhala na matsamba 192 yakuti yadindwa kale kakamwe mbikhala na matsamba akuti nkhabe nensa khala na cikukuwe peno bukhu inango yonsene yakudindwa mbicisati fika caka 1991. Mipingo yakuti nkhabe mabukhu anewa ingakwanise kugawira bukhu ya Conhecimento (khala iripo) peno bruxura yakuti Khalani Akulindira! Nthanda ya Madzalo: Existe um Criador Que Se Importa com Você? peno O Segredo de Uma Família Feliz. Nthanda ya Murope: Kodi Mwandimomwene Biblya Isapfunzisanji? Wangisirani towera kutomesa mapfunziro a Biblya.

◼ M’bale m’bodzi wakusankhulwa na nyakuyang’anira wakutsogolera asafunika kudinga matsamba a kobiri ya mpingo a nthanda ya Nyenzi, Malandalupya na Bingu. M’bale anafuna kuphatisirwa towera kudinga matsamba anewa nkhabe kufunika kuti aphatisirwe pontho pa kudinga kunango tayu. Kudinga kweneku kungamala citwa, mpingo usafunika kudziwiswa pabodzi na lipoti ya kobiri inafuna kudza.—Onani Instruções para as Contas da Congregação (S-27).

◼ Taphata miyendo onani kuti Cikumbuso ca caka ca 2009 cinadzacitwa n’Cinai, 9 ya nthanda ya Bwinja, dzuwa ingabira. Cidziwiso ici cikuperekwa mwanyapantsi towera kule kwakuti mipingo izinji isaphatisira Nyumba ya Umambo ibodzi ene abale akwanise kupita n’cibverano towera akhunganye mbuto zinango na kusaka pinthu pinango pyakufunika. Mu ndzidzi ubodzibodzi, akulu a mpingo asafunika kubverana na ayang’aniri a mbuto towera akhale na cibaso cakuti nee panadzakhala cidzudzumiso ca mabasa anango towera kuti Cikumbuso cicitwe mwantendere na mu njira yakulinganira.

◼ Mipingo isafunika kutoma cincino kutumiza phembo yawo ya Watchtower Library—2007. Ineyi ndi phembo yakupambulika. Phembo ineyi isacitwa towera kuphindulisa piwalo pyakubatizwa pya m’mpingo na isafunika kuphembwa mu kuphatisira mpingo basi. Iyo nee yacitwa towera kugawirwa kwa anthu onsene peno kupaswa kwa anthu onsene anapangiza cifuno kwa Mboni za Yahova tayu. Maphembo a caka ca 2006 anadzabvungazwa na phembo ipswa. Watchtower Library—2007 inadzagumanika mu cilongero ca Cifransa, Cingerezi, Cixina, Cixina (Simplificado) na Cizungu. Taphata miyendo, onani kuti cdly07-CH inadzaphataniza programu ya cdly07 mu Cixina na Cixina (Simplificado).

◼ Taphata miyendo onani kuti Examine as Escrituras Diariamente — 2008— Tipo Grande (eslp08) ndi phembo yakupambulika, natenepa nee inadzatumizwa ninga Examine as Escrituras— 2008 (es08) tayu; mipingo isafunika kuphemba.

◼ Mabukhu Mapswa Anagumanika:

Angafa Munthu Anafuna Imwe—Cimakuwa, Cisena na Citshwa

Khalani Maso Kwenda Na Kwenda Mwa Kutsanzaya M’Dziko Yapantsi!—Cimakuwa

Kodi Mulungu Asatitsalakanadi?—Cimakuwa, Cisena na Citshwa

Lambirani Mulungu Mbodzi Basi Wandimomwene—Cisena na Citshwa

Pinacitisa Banja Kukhala Yakutsanzaya—Cimakuwa, Cisena, Citshwa na Cixuabo