Pyakulonga Pa Kugawira Marevista

A Sentinela 1.° de Mar.

“Ntsiku zonsene ife tisabva pya nyatwa, utenda na kufa. Kodi mwatoma kale kubvunzika khala tinadzapulumuka pa pinthu pyenepi pyonsene? [Dikhirani ntawiro.] Vesi iyi ya Biblya yapereka cidikhiro kwa pikwi na pikwi pya anthu. [Lerini Jwau 3:16.] Revista iyi isapangiza kuti ‘Kufa Kwa Yezu Kunakwanisa Tani Kukupulumusani.’”

Despertai! ya Mar.

“Kodi imwe musanyerezera kuti kukhulupira ufiti ndi kwakukhonda gopswa peno kwakugopswa? [Dikhirani ntawiro.] Biblya isapereka ntawiro uyu wakukomeresa. [Lerini Izaiya 65:11.] Nsolo uyu usapangiza khala kukhulupira ufiti ndi kwakubverana na cipfunziso ca Biblya peno nkhabe.” Pangizani nsolo unatoma pa tsamba 10.

A Sentinela 1.° de Abr.

“Kodi imwe musafuna tayu kuona profesiya iyi mbikwanirisika? [Lerini Izaiya 2:4. Buluka penepo dikhirani ntawiro.] Onani kuti Mulungu anadzacinja pinthu na ‘kutonga milando ya madziko.’ Biblya isalonga kuti Mulungu anadzacita nkhondo inacemerwa Harmagedoni yakuti inadzamalisa nkhondo zonsene. Revista iyi isafokotoza kuti Harmagedoni ndi ninji na thangwi yanji ife tisafunika kuidikhira.”

Despertai! ya Abr.

“Kodi imwe musanyerezera kuti tikukhala mu ndzidzi unafokotozwa pano? [Lerini 2 Timoti 3:1-4. Buluka penepo dikhirani ntawiro.] Pana thangwi yadidi yakukhala akufuna kakamwe ntsiku zakumalisa thangwi ntsiku zenezo zisapangiza kuti pinthu pyadidi pidakoyerwa dziko yapantsi piri duzi. Revista iyi isafokotoza.”