Pyakulonga Pa Kugawira Marevista

Sentinela 1.° de Janeiro

Lerini Genesi 2:16, 17. Buluka penepo longani: “Anango asalonga kuti Mulungu akhadziwa mwanyapantsi kuti Adhamu mbadadawa. Anango asanyerezera kuti cenjezo ya Mulungu mbidakhala ufakafaka khala iye akhadziwa mwanyapantsi pikhafuna citika. Kodi ndi api manyerezero anu? [Dikhirani ntawiro.] Nsolo unatoma pa tsamba 13 usafokotoza kuti Mulungu asaphatisira tani luso yace toera kudziwa pya ntsogolo.”

Despertai! ya Janeiro

“Anango asatawira kuti cikhulupiro ca marelijiau ciri na phata ikulu ku mabvero kupiringana m’mathangwi akuwanga. Kodi musanyerezera tani? [Dikhirani ntawiro.] Mwakubverana na Bhibhlya, cikhulupiro ca relijiau nee cisafunika kukhala cauboliboli. [Lerini 1 Jwau 4:1.] Nsolo unatoma pa tsamba 28 usafokotoza kuti tinakwanisa tani kukhala na cibaso cinapangiza kuti cikhulupiro cathu ciri pa phata yakuwanga.”

Sentinela 1.° de Fevereiro

“Kumwalana kusaoneka kazinji kene lero. Kodi musadziwa thangwi ikulu inacitisa pyenepi? [Dikhirani ntawiro.] Onani uphungu uyu wakuti anyakumanga banja azinji auona kukhala wakuphedza kakamwe. [Lerini 1 Akorinto 10:24.] Revista iyi isadinga njira zitanthatu zakudungunya kunaoneka kazinji kene kwakuti kusacitwa na amuna pontho na akazi, na isapangizambo kuti kuphatisira midida ya Bhibhlya kunaphedza tani.”

Despertai! ya Fevereiro

“Pasaoneka ninga pali na cifuno cikulu ku mizukwa, ufiti na afiti. Kodi musanyerezera kuti kucita khundu mu pinthu pyenepi ndi kwakukhonda kuphekesa? [Dikhirani ntawiro.] Onani cenjezo ya Mulungu kwa Israele wakale. [Lerini Deuteronomyo 18:10-12.] Revista iyi isapangiza pinalonga Bhibhlya thangwi ya pinthu pya ufiti.”