Pyakulonga Pa Kugawira Marevista

A Sentinela 15 de Julho

“Kufa kwa anthu anafuna ife kusatsukwalisa kakamwe. Kodi imwe musanyerezera kuti khundu inango ya manungo awo isapitiriza kukhala maso? [Dikhirani ntawiro.] Yezu apereka pikiro iyi yakuwangisa. [Lerini Jwau 5:28, 29.] Nakuti Yezu alonga kuti ‘unadzafika nzidzi’ wakuti anthu anadzalamuswa muli akufa, revista iyi isafokotoza kubulukira m’Biblya kuti ali kupi cincino anyakufa.”

Despertai! ya Julho

“Anthu azinji asasaka kukhala maso mu njira yadidi kakamwe inakwanisira iwo na asadziwa kuti ndi pyakufunika kukhala munthu wadidi. Kodi imwe musakhala tani na umaso wanu? [Dikhirani ntawiro.] Onani ngozwi yakukhala na maonero akusiyana na Mulungu akulonga pya kukhala munthu wadidi. [Lerini Misangani 14:12.] Nsolo uyu usafokotoza kuti kukhala munthu wadidi pisabvekanji pamaso pa Mulungu.” Gomezerani nsolo unatoma pa tsamba 20.

A Sentinela 1.° de Agosto

“Ndisafuna kudziwa maonero anu pa mafala anango adalonga Yezu. [Lerini Mateo 5:3.] Kodi imwe musanyerezera kuti kukhala munthu wauzimu ndi pyakufunika towera kukhala wakutsanzaya? [Dikhirani ntawiro.] Revista iyi isapangiza pinalonga Biblya thangwi ya uzimu wandimomwene na kuti tinakwanisa tani kuugumana.”

Despertai! ya Agosto

“Kodi imwe musanyerezera kuti anyakubala anagumana kupi uphungu wakuti unadzaaphedzadi? [Dikhirani ntawiro.] Onani pikiro iyi inalongwa m’Biblya. [Lerini 2 Timoti 3:16.] Revista iyi isafokotoza kuti Biblya inakwanisa tani kuphedza anyakubala kukuza anapiana akutsanzaya.”