Pyakulonga Pa Kugawira Marevista

A Sentinela 15 Julho

“Kodi musanyerezera kuti tinadzaona utongi unafuna kumalisa nyatwa zinatamba anthu? [Dikhirani ntawiro.] Yezu apfunzisa anyakupfunza ace kuphemberera utongi unoyu m’mafala ace adalembwa pa Mateo 6:9, 10. [Lerini.] Revista iyi isafokotoza thangwi yanji Umambo wa Mulungu ndi ukulu kupiringana mautongi a anthu na isafokotozambo nkhombo zinafuna kudzabwereswa na Umambo unoyu kwa anthu.”

Despertai! ya Julho

Mungagumanikana na mphale peno ntsikana, mungakwanise kulonga tenepa: “Azinji a thunga yanu asanyerezera pya kusemba. Kodi ndi kupi kunanyerezera imwe kwakuti mungakwanise kugumana mphangwa zakunyindirika za pyenepi? [Dikhirani ntawiro.] Onani kuti mbani adatomesa ukwati. [Lerini Mateo 19:6.] Revista iyi isandandalisa midida mingasi ya Biblya yakuti ingakwanise kutiphedza kumanga banja yakutsanzaya.”

A Sentinela 1.° de Agosto

“Ndi kwakudzoloereka kakamwe lero kuona anthu anavuya anzawo. Kodi musadziwa kuti pinthu pinadzacinja anthu azinji angaphatisira mafala awa a Yezu? [Lerini Mateo 7:12. Buluka penepo dikhirani ntawiro.] Revista iyi isapangiza kubulukira m’Biblya njira inafuna kudzakwanirisirwa kuthema kwa anthu.”

Despertai! ya Agosto

“Ife tonsene tisasaka ukonzi wadidi wa ungumi. Kodi musadziwa kuti madotoro azinji lero asacalira kuikha ciropa? [Dikhirani ntawiro.] Revista iyi isafokotoza thangwi yace. Isafokotozambo kubulukira m’Biblya thangwi yanji Mulungu asaona ciropa kukhala cakufunika kakamwe.” Lerini Levitiko 17:11.