Kubwerezera Kwa Xikola Ya Utumiki Wa Mulungu

Mibvundzo yakutowerera iyi inadzadingwa pa Xikola Ya Utumiki Wa Mulungu nkati mwa sumana inatoma pa ntsiku 27 ya nthanda ya Khoni ya 2011. Muyang’aniri wa xikola anadzatsogolera kubwerezera kweneku kwa mphindi 20 kudabuluswa m’mphangwa zidadingwa mu nkhani za sumana idatoma pa ntsiku 2 ya nthanda ya Gonkho mpaka sumana inatoma pa ntsiku 27 ya nthanda ya Khoni ya 2011.

1. Kodi tinapfundzanji pa phembo idacita Yahova kuti Yobe aphembere kuna ale adandawira? (Yobe 42:8) [w98-T 15/8 tsa. 30 ndima 5]

2. Kodi ndi zipi “ntsembe za maso” zinaperekwa na Akristu alero? (Sal. 4:5) [w06-T 15/5 tsa. 18 ndima 9]

3. Kodi ndi cikulu tani citsalakano cinapangiza Yahova kwa atumiki ace? (Sal. 11:4) [w08-T 15/10 tsa. 3 ndima 2]

4. Kodi ndi mu njira ipi ‘kudzulu kusabvekesa mbiri ya Mulungu’? (Sal. 19:1) [w04-T 1/10 tsa. 10 ndima 8]

5. Kodi ndi kuphatana kupi kunagumanika pakati pa cidikhiro na cipapo kudalongwa pa Masalmo 27:14? [w06-T 1/10 matsa. 26-27 ndima 3, 6]

6. Kodi lemba ya Masalmo 37:21 inatikhuya tani pakutsalakana peno pakubverana kwathu na abale athu? [w88-T 15/8 tsa. 17 ndima 8]

7. Kodi tisapfundzanji kubulukira ku citsandzo cakupereka takhuta ca bitcu wa Cilevi? (Sal. 42:1-3) [w06-T 1/6 tsa. 9 ndima 3]

8. Kodi ndi ninji cinafuna kutiphedza toera kukulisa ulungami mbatiida uipi? (Sal. 45:7) [cf matsa. 58-59 ndima 8-10]

9. Kodi ndi nzimu wakufunisisa wa ani udaphemba Dhavidhi toera kumphedza? (Sal. 51:12) [w06-T 1/6 tsa. 9 ndima 10]

10. Kodi ife tinakwanisa tani kukhala ninga mulivera unakula ku nyumba ya Mulungu? (Sal. 52:8) [w00-T 15/5 tsa. 29 ndima 6]