“Ndi Ndzidzi Upi Usafunika Ine Kulemba?”

Mwacita kale mbvundzo unoyu? Pitsogolero pya mphangwa zenezi pisagumanika mu Utumiki Wathu Wa Umambo wa nthanda ya Gonkho ya 2007, tsamba 4, ndima 1 mpaka ndima 4. Pitsogolero pyakuthimizirika pisaperekwa ndzidzi na ndzidzi, ninga m’Bokosi ya Mibvundzo ya Utumiki Wathu Wa Umambo wa nthanda ya Nyenzi ya 2008. Nakuti makhaliro asacinja, ife nkhabe kukupasani pitsogolero pinango pyakuthimizirika. Natenepa, nee pinadzakhala pyakuthema kwa akulu a mpingo peno anthu anango kucita pitsogolero pyakuthimizirika.

Pangacitwa mbvundzo wakuti nkhabe bukhu inatawira mbvundzo unoyu, m’mwazi mphangwa m’bodzi na m’bodzi anakwanisa kudinga ipi: Ukhali ndzidzi udaphatisira ine mu utumiki? Peno ndaphatisira ndzidzi unoyu toera kucita pinthu pinango pyakuti nkhabe kucita khundu ya utumiki? Pinalemba ife pa lipoti yathu ya basa ya m’munda pa nthanda zonsene pisafunika kutitsandzayisa, tayu kuphekesa cikumbuntima cathu. (Mach. 23:1) Mwandimomwene, pinthu pinatidzudzumisa, nee ndi kulengesa ndzidzi, mbwenye tinaphatisira tani mwadidi ndzidzi wathu mukukhala a phinga mu utumiki.—Aheb. 6:11.