Njira Za Maperekero Aumboni

Toera Kutomesa Mapfundziro a Bhibhlya pa Sabudu Yakutoma mu Nthanda ya Bingu

“Musanyerezera kuti anthu anayesera kubvera Mulungu ndi akutsandzaya? [Dikhirani ntawiro.] Revista iyi isapangiza ntsonga zinango zakufunika kakamwe.” Pasani mwanaciro nyumba A Sentinela ya 1.° de Novembro, lerini, pontho dingani pabodzi mphangwa zinagumanika pantsi pa nsolo ung’ono ubodzi pa matsamba 16-17. Lerini lemba ibodzi mwa malemba anagumanika mu ndima. Perekani marevista, pontho citani masasanyiro akubwerera toera kudinga ntawiro wa mbvundzo unatowerera.

Sentinela de 1.° de Novembro

“Anango asaona kuti maonero a Bhibhlya thangwi yakupita m’mabonde ndi akukhonda kuphata basa, pontho asakhondesa anthu kukhala na ufulu. Anango asatawira pinalonga Bhibhlya. Ndi api maonero anu? [Dikhirani ntawiro.] Onani kuti lemba iyi isalonganji thangwi ya pfuli ya midida ya Bhibhlya. [Lerini 2 Timoti 3:16.] Revista iyi isapangiza kuti Bhibhlya isatawira tani mibvundzo khumi inacitwa kazinji kene thangwi yakupita m’mabonde. Isafokotozambo kuti midida ya Bhibhlya isatiphindulisa tani.”

Despertai! de Novembro

“Tingayang’ana mwacidikhodikho kudzulu, tisafika pakudzindikiranji—kuti alipo Nciti peno pyonsene pyacitika mwasusudeu? [Dikhirani ntawiro.] Onani kuti nyakulemba Bhibhlya m’bodzi afika pakudzindikiranji mudayang’ana iye kudzulu mwacidikhodikho. [Lerini Aroma 1:20.] Revista iyi isafokotoza kuti asiyentista adzindikiranji thangwi ya selula ya munthu yakuti isatiphedza kubvesesa mwadidi nkhani ineyi.”