Njira Za Maperekero Aumboni

Toera Kutomesa Mapfundziro a Bhibhlya pa Sabudu Yakutoma mu Nthanda ya Maluwa

“Mu pyaka pyacincino, anthu azinji asafunisisa kakamwe kudziwa thangwi ya aanju. Musanyerezera kuti aanju alipodi? [Dikhirani ntawiro.] Onani pinalonga revista iyi.” Pasani mwanaciro nyumba A Sentinela ya 1.° de Julho, dingani pabodzi mphangwa zinagumanika pantsi pa nsolo ung’ono wakutoma pa tsamba 16 na lerini lemba ibodzi mwa malemba anagumanika mu ndima. Perekani marevista, pontho citani masasanyiro akubwerera toera kudinga ntawiro wa mbvundzo unatowerera.

A Sentinela de 1.° de Julho

Lerini Masalmo 65:2. Buluka penepo longani: “Anthu azinji asatawira pinalonga lemba iyi, kuti Mulungu ndi “Wakubvera maphembero,” pontho iwo asaphembera ntsiku zonsene. Mbwenye anango asabvundzika, “Khala Mulungu alipo, thangwi yanji pa dziko yapantsi pali na nyatwa zizinji?’ Ndi api maonero anu? Alipo Mulungu anabvesera maphembero athu? [Dikhirani ntawiro.] Revista iyi isapereka ntawiro wa m’Bhibhlya ku mbvundzo unoyu: ‘Thangwi yanji Nyakubvesera phembero asalekerera nyatwa?’”

Despertai! de Julho

“Khala mbamudakwanisa kucinja cinthu cibodzi pa dziko yapantsi, mbamudacinjanji? [Dikhirani ntawiro.] Bhibhlya isapangiza thangwi yanji anthu nkhabe kwanisa kucita pinthu pyonsene pinafuna iwo. [Lerini Yeremiya 10:23.] Revista iyi isafokotoza pinthu pinafuna kudzacinja Mulungu.”