Njira Za Maperekero Aumboni

Toera Kutomesa Mapfunziro a Bhibhlya pa Sabudu Yakutoma mu Nthanda ya Gonkho

“Mwatoma kale kubvunzika thangwi yanji Mulungu asalekerera uipi na pinentso? [Dikhirani ntawiro.] Ndisafuna kukupangizani mphangwa zadidi pa nsolo uyu.” Lerini pabodzi mphangwa zinagumanika pantsi pa nsolo ung’ono pa tsamba 16 ya A Sentinela 1.° de Maio na lerini lemba ibodzi mu malemba adaikhwa. Perekani marevista na citani masasanyiro toera kucita ulendo wakubwereza kuti mudzadinge ntawiro wa mbvunzo unatowerera.

Sentinela 1.° de Maio

Lerini Masalmo 37:10. Buluka penepo longani kuti: “Musanyerezera kuti tinadzaona kukwanirisika kwa pikiro iyi? [Dikhirani ntawiro.] Revista iyi isalonga maprofesiya matanthatu akusiyana-siyana a m’Bhibhlya akuti tisaaona mbakakwanirisika cincino, maprofesiya anapangiza kuti mapikiro ya Mulungu nkhabe kudzadembuka.”

Despertai! ya Maio

“Anango asalonga kuti anthu abulukira ku pinyama. Ndi api maonero anu? [Dikhirani ntawiro. Buluka penepo lerini Masalmo 139:14.] Mwandimomwene, nyamasalmo akhali na cidziwiso cakucepa ca kusasanywa kwa manungo a anthu. Revista iyi isafokotoza pinthu pinadziwa ife cincino, kuphataniza pinthu pinaticitisa kukhala akusiyana na pinyama.”