Pyakulonga Pa Kugawira Marevista

Sentinela 1.° de Março

“Pana maonero akusiyana thangwi a Yezu. Musanyerezera kuti iye ndi mwana wa Mulungu peno ndi mamuna wadidi basi?” [Dikhirani ntawiro.] Buluka penepo lerini pabodzi mphangwa zinagumanika pantsi pa mbvunzo ubodzi wa malemba akupswipirira pa tsamba 16-17 na lerini lemba ibodzi mwa ale adaikhwa. Perekani revista, na citani masasanyiro akubwerera toera kudinga ntawiro wa mbvunzo unatowerera.

Despertai! ya Março

Mungagumana munthu wakuti ndi mphale peno ntsikana, mpangizeni nsolo unatoma pa tsamba 26. Mpangizeni nsolo ung’ono wakutoma na mbvunzeni, “Kodi mafala awa ndi andimomwene peno ndi authambi? [Dikhirani ntawiro. Buluka penepo lerini 2 Akorinto 7:1.] Revista iyi isapangiza pinafunika imwe kudziwa thangwi ya kufumali, isaphatanizambo njira toera kusiya fumali.”

Sentinela 1.° de Abril

“Anthu azinji mu dziko yonsene yapantsi asakhulupira Yezu mu njira zakusiyana-siyana. Kodi musaona kuti ndi pyakufunika kakamwe kudziwa undimomwene wa iye? [Dikhirani ntawiro. Buluka penepo lerini Jwau 17:3.] Revista iyi isapangiza kuti Bhibhlya isalonganji thangwi ya Yezu—abuluka kupi, ndi umaso upi ukhakhala na iye, na ndi thangwi yanji afa.”

Despertai! ya Abril

“Musatawira kuti kuferwa na nyakufunika ndi nyatwa ibodzi mu nyatwa zizinji zinathimbana na anthu? [Dikhirani ntawiro.] Anthu azinji aona uphungu uyu kukhala wakuphedza kakamwe. [Lerini Masalmo 55:22.] Revista iyi isalonga njira zingasi zakuphata basa toera kuthimbana na kutsukwala, kuphataniza kusiya kuna Mulungu pinthu pinatidzudzumisa.”