Njira Za Maperekero Aumboni

Toera Kutomesa Mapfundziro a Bhibhlya pa Sabudu Yakutoma mu Nthanda ya Bwinja

“Ubatizo ndi ncitiro wakudzolowereka pakati pa Akristu azinji. Ndi api maonero anu? Ubatizo ndi wakufunika? [Dikhirani ntawiro.] Revista iyi isalonga pinthu pingasi pyakutsandzayisa.” Pasani mwanaciro nyumba A Sentinela ya 1.° de Abril, dingani pabodzi mphangwa zinagumanika pantsi pa nsolo ung’ono wakutoma pa tsamba 16, pontho lerini lemba ibodzi mwa malemba anagumanika mu ndima. Perekani marevista, pontho citani masasanyiro akubwerera toera kudinga ntawiro wa mbvundzo unatowerera.

A Sentinela de 1.° de Abril

“Pana maonero mazinji thangwi ya Yezu. Anango asanyerezera kuti iye akhali Mesiya wakupikirwa. Anango asanyerezerambo kuti iye akhali basi ene mamuna wadidi. Anangombo nkhabe kukhulupira kuti iye akhalapo. Ndi api maonero anu? [Dikhirani ntawiro.] Mwakubverana na Bhibhlya, ndi pyakufunika kudziwa undimomwene thangwi ya Yezu. [Lerini Jwau 17:3.] Revista iyi isapangiza matawiro akubuluswa m’Bhibhlya ku mibvundzo mingasi inacitwa kazinji kene thangwi ya Yezu.”

Despertai! de Abril

“Tikucita basa yapakweca toera kucedza na mabanja. Musatawira kuti lero mabanja asathimbana na nyatwa zizinji? [Dikhirani ntawiro.] Onani kuti mabanja mazinji asagumana kupi uphungu wakuphata basa. [Lerini Masalmo 119:105.] Revista iyi isalonga kuti mabanja anafuya ana akugumana asapembera tani pakuthimbana na nyatwa zibodzi zene mu kutowezera midida ya Bhibhlya.”