Njira Za Maperekero Aumboni

Toera Kutomesa Mapfundziro a Bhibhlya pa Sabudu Yakutoma mu Nthanda ya Gonkho

“Musaona uphemberi ninga mphambvu ya kukhazikisa ufuni na ntendere peno ninga mphambvu ya kukhazikisa kuidana na uphanga? [Dikhirani ntawiro.] Ndisafuna kukupangizani mphangwa zakutsandzayisa thangwi ya pyenepi.” Pasani mwanaciro nyumba A Sentinela ya 1.° de Maio, dingani pabodzi mphangwa zinagumanika pantsi pa nsolo ung’ono wakutoma pa tsamba 16, pontho lerini lemba ibodzi mwa malemba anagumanika mu ndima. Perekani marevista, pontho citani masasanyiro akubwerera toera kudinga ntawiro wa mbvundzo unatowerera.

A Sentinela de 1.° de Maio

“Anthu azinji asatawira kuti mphyadidi uphemberi kucita khundu mu ndale za dziko, maseze anango asanyerezera kuti nkhabe funika kubvunganiza uphemberi na ndale za dziko. Ndi api manyerezero anu? [Dikhirani ntawiro.] Onani pidacita Yezu pa ndzidzi wakuti anthu akhafuna kuti iye acite khundu mu ndale za dziko mu ntsiku zace. [Lerini Jwau 6:15.] Revista iyi isapangiza thangwi yanji Yezu acita pyenepi, pontho isafokotoza njira yadidi yakuti Akristu anakwanisa kuphedza mu pisa pyawo.”

Despertai! de Maio

“Azinji mwa anthu analonga na ife asatawira kuti atsalakanwa mwakuipa kabodzi peno kazinji kene. Musanyerezera kuti iripo njira toera kumalisa kusowa ulungami? [Dikhirani ntawiro.] Onani profesiya iyi inalonga pya ntongi wakuti anadzamalisa kusowa ulungami. [Lerini Masalmo 72:11-14.] Revista iyi isafokotoza mapikiro a Bhibhlya akuti mwakukhonda dembuka kunadzaoneka ulungami uzinji.”