Njira Za Maperekero Aumboni

Toera Kutomesa Mapfundziro a Bhibhlya pa Sabudu Yakutoma mu Nthanda ya Maluwa

“Anthu azinji asabwerezera kazinji kene Phembero ya Baba wa Kudzulu: ‘Umambo wanu mbudze. Pinafuna imwe mbapicitwe pantsi pano ninga kudzulu.’ Musanyerezera kuti Umambo unoyu ninji? [Dikhirani ntawiro.] Vesi iyi ya m’Bhibhlya isatipasa cidzindikiro.” Lerini Danyele 2:44. Pangizani mwanaciro nyumba revista A Sentinela ya 1.° de Julho, lerini na fokotozani nsolo ung’ono wakutoma unagumanika pa tsamba 16. Perekani marevista na citani masasanyiro akubwerera toera kudinga ntawiro wa mbvundzo unatowerera.

Sentinela de 1.° de Julho

“Nakuti umaso ndi wakubvira kakamwe pontho wadzala na nyatwa, azinji asabvundzika thangwi ya cifuniro caumaso. Mwatoma kale kupinyerezera? [Dikhirani ntawiro.] Bhibhlya isapikira kuti umaso wantsogolo nee unadzakhala ninga uno. [Lerini Apokalipse 21:4.] Revista iyi isalonga pya cifuniro ca Mulungu na dziko yapantsi, pontho isalongambo pinthu pyakuti tingapicita tinakwanisa kukhala na umaso wakutsandzayisa ngakhale cincino.”

Despertai! de Julho

Longani cidengwa cidacitika cincino. Buluka penepo bvundzani: “Thangwi yanji Mulungu asatawirisa pinthu pyenepi kucitika? [Dikhirani ntawiro.] Mwakubverana na Bhibhlya, Mulungu asabvera ntsisi anthu anathabuka. [Lerini Eksodo 3:7.] Bhibhlya isalonga kuti thangwi yanji Mulungu asatawirisa nyatwa, isalongambo kuti mwakukhonda dembuka Mulungu anadzamalisa nyatwa kwenda na kwenda. Revista iyi isafokotoza pyenepi.”