Njira Za Maperekero Aumboni
Toera Kutomesa Mapfundziro a Bhibhlya pa Sabudu Yakutoma mu Nthanda ya Maluwa
“Anthu onsene mu cisa cathu asafuna kukhala na umaso wakutsandzaya mu ndzidzi wakulapha. Natenepa tisafuna kudziwa maonero anu pa mbvundzo uyu: Musanyerezera kuti ntsiku ibodzi siyensiya na ukonzi pinadzaticitisa toera tikhale kwenda na kwenda? [Dikhirani ntawiro.] Onani pinalongwa apa.” Pangizani tsamba yakumalisa ya A Sentinela ya 1.° de Julho, dingani pabodzi mphangwa zinagumanika pa mbvundzo wakutoma, pontho lerini lemba ibodzi mwa malemba anagumanika mu ndima ineyi. Perekani marevista, pontho citani masasanyiro akubwerera toera kudinga mbvundzo unatowerera.
Cidzindikiro: Citsandzo ceneci cisafunika kupangizwa pa nsonkhano wa basa ya m’munda, ntsiku 6 ya nthanda ya Maluwa.
A Sentinela 1.° de Julho
“Azinji analonga na ife ali na uphemberi wawo. Mbwenye anango asalonga kuti nkhabebve kunyindira uphemberi. Musaonambo tani pya uphemberi? [Dikhirani ntawiro.] Yezu apangiza n’dida toera kutiphedza kudinga uphemberi. [Lerini Luka 6:44a.] Revista iyi isafokotoza pya misapo mingasi yakuipa inabalwa na uphemberi. Pontho isatawira mbvundzo uyu, kodi ulipo uphemberi wakuthema toera kuunyindira?
Despertai! de Julho
“Tikucedza na anyakuendekana athu thangwi ya nyatwa yakutsukwalisa kakamwe—kusowa ulungami. Anthu anango asadungunya pakweca toera kumalisa kusowa ulungami. Musanyerezera kuti anthu anadungunya pakweca asakwanisa macinjo anafuna iwo? [Dikhirani ntawiro.] Onani pinalonga Bhibhlya pyakuti pinadzabweresa macinjo andimomwene pa dziko yapantsi. [Lerini Mateo 6:9, 10.] Revista iyi isatawira mbvundzo uyu, Kudungunya pakweca ndi njira yakubweresa macinjo?”
Mphangwa Zadidi Za Mulungu!
“Tikucedza na mabanja toera kulonga ntsonga yakuwangisa ya m’Bhibhlya. Azinji analonga na ife asabvundza thangwi yanji Mulungu waufuni asatawirisa nyatwa zizinji mu dziko. Musanyerezera kuti nyatwa zikhacita khundu ya cifuniro cakutoma ca Mulungu pa dziko yapantsi?” Dikhirani ntawiro. Buluka penepo, fungulani Nsolo 5, lerini na dingani ndima ziwiri zakutoma, pontho lerini malemba adapendamiswa. Perekani bruxura, pontho citani masasanyiro akubwerera toera kudinga mbvundzo unatowerera wa malemba akupswipirira.