Maperekero Aumboni

Toera Kutomesa Mapfundziro a Bhibhlya pa Sabudu Yakutoma Ya Khoni

“Musanyerezera kuti Mulungu asaona tani maphembero athu? Musaona kuti iye asaapasa ntengo peno asaabvesera kwene basi?” Dikhirani ntawiro. Pangizani tsamba yakumalisa ya Ncenjezi 1 ya Maluwa, dingani pabodzi mphangwa zinagumanika pa mbvundzo wakutoma, pontho lerini lemba ibodzi mwa malemba anagumanika mu ndima ineyi. Perekani marevista, pontho citani masasanyiro akubwerera toera kudinga mbvundzo unatowerera.

Ncenjezi 1 ya Maluwa

“Nakuti Mulungu ndi wamphambvu zonsene, musanyerezera kuti ndiye anacitisa pinthu pyonsene pyakuipa pinaoneka pa dziko? [Dikhirani ntawiro. Buluka penepo, lerini Tyago 1:13.] Revista iyi isafokotoza kuti thangwi yanji pinthu pyakuipa pisacitika, pontho kuti Mulungu anadzacitanji toera kumalisa uipi na nyatwa.”

Despertai! de Julho

Mukupita kwa ndzidzi, munthu onsene asadikhira kuthimbana na cidengwa, ninga pidengwa pyacibaliro, utenda wakugopswa, peno kuferwa na nyakufunika wathu. Pinthu pyenepi pingacitika, musanyerezera kuti mphyakufunika kupitiriza kupangiza maonero akulinganira? [Dikhirani ntawiro.] Anthu azinji asaona kuti Bhibhlya isaaphedza kakamwe toera kuthimbana na nyatwa zenezi. [Lerini Aroma 15:4.] Revista iyi isafokotoza kuti Bhibhlya inatiphedza tani tingagwerwa na cidengwa.