Ndandanda ya Sumana 2 ya Thongwe

SUMANA 2 YA THONGWE, 2012

Nyimbo 118 na Phembero

□ Pfundziro Ya Bhibhlya Ya Mpingo:

bt-T nsolo 15 ¶1-7, bokosi pa tsa. 116 (mph. 25)

□ Xikola Ya Utumiki Wa Mulungu:

Kuleri Bhibhlya: Izaiya 24-28 (mph. 10)

N.° 1: Izaiya 27:1-13 (mph. 4 peno zakucepa)

N.° 2: Lekani Kupenula Ufuni Uli Na Yahova Kwa Imwe—Iza. 57:15 (mph. 5)

N.° 3: Ndi Cipi Cifuniro Ca Umaso Wa Anthu?—rs-T tsa. 428 ¶3–tsa. 429 ¶4 (mph. 5)

□ Nsonkhano Wa Basa:

Nyimbo 65

Mph. 10: Pidziwiso. Phatisirani njira za maperekero aumboni zinagumanika pa tsamba ino toera kupangiza kuti tinatomesa tani pfundziro pa Sabudu yakutoma ya nthanda ya Thongwe.

Mph. 10: Makhunganyikiro a Nsonkhano wa Gawo wa 2012. Nkhani yakucedza yakucitwa na mulembi. Lerini tsamba ya 15 ya Mainza ya 2011. Dziwisani mpingo ntsiku na mbuto ya nsonkhano wa gawo. Buluka penepo dingani ntsonga zitatu zinagumanika pa tsamba, pontho wangisani onsene kuti acite masasanyiro toera agumanike pa ntsiku zonsene zitatu za nsonkhano. Longani mwakugalamuka thangwi ya nsonkhano wa gawo wa 2012.

Mph. 15: Maonero Toera Kugawira Marevista Mu Nthanda Ya Thongwe. Nkhani yakucedza. Phatisirani mphindi ibodzi peno ziwiri toera kudinga misolo mingasi yakuti inatundusa anthu mu cisa canu. Buluka penepo, phatisirani misolo yakutoma ya revista A Sentinela, phembani anyakubvesera kuti alonge mbvundzo na lemba yakuti anakwanisa kuiphatisira pa kugawira marevista. Citani pibodzi pyene na misolo yakutoma ya revista Despertai! khala ndzidzi ulipo phembani kuti alonge nsolo unango wa mu A Sentinela peno Despertai!. Wangisani amwazi mphangwa kuti awangisira kakamwe toera kugawira Despertai! m’mbuto zamalonda. Phembani muyang’aniri wa m’munda toera alonge masasanyiro akucita pyenepi pa mpingo. Pangizani kuti revista ibodzi na ibodzi inagawirwa tani. Pa kupangiza citsandzo ca revista ya Despertai!, pangizani kuti inagawirwa tani m’mbuto zamalonda.

Nyimbo 86 na Phembero