Pidziwiso

◼ Mabukhu anafuna kugawirwa mu nthanda ya Thongwe ya 2012: Kodi Mwandimomwene Biblya Isapfunzisanji? Wangisirani toera kutomesa mapfundziro a Bhibhlya pa ulendo wakutoma. Khala mwanaciro nyumba ali nayo kale bukhu ineyi mbwenye nee atawira pfundziro ya Bhibhlya, amwazi mphangwa anakwanisa kugawira marevista akale peno bruxura yonsene yakuti isabverana na cifuno ca munthu. Madzalo: Amwazi mphangwa anakwanisa kugawira mabukhu awa: Existe um Criador Que Se Importa com Você?, A Bíblia—Palavra de Deus ou de Homem? Pinacitisa Banja Kukhala Yakutsanzaya.

◼ Kutomera mu nthanda ya Madzalo, nkhani ipswa yapakweca ya ayang’aniri a cisa inadzala na nsolo wakuti: “Você confia em Jeová?”

◼ Kutomera na A Sentinela ya 1.° de Fevereiro, A Sentinela ya anthu onsene inadzaphataniza misolo yakuti “Minhas Lições da Bíblia.” Yacitwa toera anyakubala aiphatisire na anapiana awo akuti ali na pyaka pitatu pyakubalwa peno anang’ono, misolo ineyi inadzabuluka mwakucinjana na misolo yakuti “Ensine seus Filhos” pabodzi na “Para os Jovens.”

◼ Mwambo wa Mosambiki wa Basa ya Unyankhondo usaphemba kuti ana onsene a Mosambiki aende kalembesa ku Mbuto Yakulembera angakwanirisa pyaka 18 pyakubalwa. Ndzidzi udaikhwa toera kulembesa ndi kutomera ntsiku 1 ya nthanda ya Thongwe mpaka 28 ya nthanda ya Madzalo. Akulu a mpingo asafunika kukumbusa amwazi mphangwa akuti ali cifupi na pyaka 18 pyakubalwa.

◼ Tiri akutsandzaya kudziwisa kuti nyumba ya amisionaryo ku Nampula inadzacinjwa toera kukhala Nyumba ya Athumburuzi a Cilongero ca Cimakuwa. Masasanyiro akucitwa mu kusasanyira papswa nyumba ineyi toera kucita mbuto za maofesi na makwartu akuthema. Tiri na cinyindiro cakuti kufika kwa athumburuzi mu nzinda unoyu kunadzakhuya mwadidi basa yawo na mipingo inafuna kudzatumikira iwo.