Ndandanda ya Sumana 1 ya Malandalupya

SUMANA 1 YA MALANDALUPYA

Nyimbo 103 na Phembero

□ Pfundziro ya Bhibhlya ya Mpingo:

bt-T nsolo 27 ¶10-18 (mph. 30)

□ Xikola Ya Utumiki Wa Mulungu:

Kuleri Bhibhlya: Danyele 4-6 (mph. 10)

N.° 1: Danyele 4:18-28 (mph. 4 peno zakucepa)

N.° 2: Thangwi Yanji Akristu Andimomwene Asacalira Kukhulupira Mizimu (mph. 5)

N.° 3: Mulungu Akhapereka Tani Pipfundziso Kwa Atumiki Ace Pa Dziko Yapantsi Mu Ndzidzi Wakale?—rs-T tsa 271 ¶4-tsa. 272 ¶ 1 (mph. 5)

□ Nsonkhano Wa Basa:

Nyimbo 80

Mph. 5: Tomesani Pfundziro Ya Bhibhlya Pa Sabudu Yakutoma. Mu kuphatisira njira za maperekero aumboni zinagumanika pa tsamba ino, pangizani kuti tinatomesa tani pfundziro ya Bhibhlya pa Sabudu yakutoma mu nthanda ya Malandalupya. Wangisani onsene toera kucita khundu.

Mph. 15: Tacitanji Caka Cidamala? Nkhani yakucitwa na muyang’aniri wa m’munda. Dingani pidacita mpingo mu utumiki nkati mwa caka ca basa cidamala, mbumugomezera pinthu pyadidi pidacitwa. Simbani abale na alongo mu njira yadidi. Bvundzani m’mwazi mphangwa m’bodzi peno awiri kuti alonge pyakugumana napyo pyawo pyakuwangisa. Longani ntsonga ibodzi peno ziwiri za utumiki zakuti mpingo usafunika kuwangisira toera kuzikwanirisa nkati mwa caka cinafuna kudza, na perekani maonero akuphata basa toera kuenda kutsogolo.

Mph. 10: Maonero Toera Kugawira Marevista Mu Nthanda Ya Malandalupya. Nkhani yakucedza. Phatisirani masegundu 30 mpaka 60 toera kulonga misolo yakuti inatundusa anthu mu cisa canu. Buluka penepo, phatisirani misolo yakutoma ya revista A Sentinela, phembani anyakubvesera kuti alonge mbvundzo na lemba yakuti anakwanisa kuiphatisira pa kugawira marevista. Citani pibodzi pyene na misolo yakutoma ya revista Despertai!, khala ndzidzi ulipo, phembani kuti alonge nsolo unango wa mu A Sentinela peno Despertai!. Pangizani kuti revista ibodzi na ibodzi inagawirwa tani.

Nyimbo 85 na Phembero