Njira Za Maperekero Aumboni

Toera Kutomesa Mapfundziro a Bhibhlya pa Sabudu Yakutoma mu Nthanda ya Malandalupya

“Ndisanyindira kuti musatawira kuti umaso wathu ndi wa pyaka pyakucepa kakamwe. Musanyerezera kuti ntsiku yace tinadzakwanisa kumalisa mautenda onsene na kulaphisa umaso wathu? [Dikhirani ntawiro.] Onani pinalonga revista iyi.” Pasani mwanaciro nyumba A Sentinela ya 1.° de Outubro, dingani pabodzi mphangwa zinagumanika pantsi pa nsolo ung’ono wakutoma pa tsamba 16 na lerini lemba ibodzi mwa malemba anagumanika mu ndima. Perekani marevista, pontho citani masasanyiro akubwerera toera kudinga ntawiro wa mbvundzo unatowerera.

A Sentinela de 1.° Outubro

“Tiri kucedza na anyakuendekana athu thangwi azinji akudzudzumika thangwi ya kunjipa kwa uipi m’mbuto za malonda na m’mautongi. Musanyerezera kuti ciripo cisafunika kucitwa toera kumalisa nyatwa ineyi? [Dikhirani ntawiro.] Onani pinalongwa apa kuti Yezu anadzacitanji kwa anthu anatsalakanwa mwakuipa. [Lerini Masalmo 72:12-14.] Revista iyi isapangiza kuti uipi unadzamala tani mwakukhonda dembuka.”

Despertai! de Outubro

“Anyakubala azinji asafuna kuti anawo akhale na cipfundziso cadidi ca kuxikola. Musanyerezera kuti aphale na atsikana azinji anamalisa mapfundziro akuxikola mu ntsiku zino ali akukhunganyika toera kuthimbana na pinentso pya umaso? [Dikhirani ntawiro.] Onani kuti Bhibhlya isalonganji thangwi ya kukhala na udziwisi pabodzi na ndzeru. [Lerini Koelete 7:12.] Revista iyi isapereka maonero maxanu akuphata basa toera kuphedza anapiana kuti apembere kuxikola.”