Maperekero Aumboni

Toera Kutomesa Mapfundziro a Bhibhlya pa Sabudu Yakutoma Ya Malandalupya

“Tikucedza na anyakuendekana athu toera kulonga pya utongi wadidi. Musanyerezera kuti ulipo utongi wakuti uli na mphambvu toera kumalisa nyatwa zikulu ninga uphanga na uipi?” Dikhirani ntawiro. Kumbusani mwanaciro nyumba kuti pa phembero ya Baba wathu muli Kudzulu, Yezu apfundzisa atowereri ace toera kuphembera kuti utongi unoyu peno Umambo wa Mulungu udze. Pangizani tsamba yakumalisa ya Ncenjezi 1 ya Malandalupya, dingani pabodzi mphangwa zinagumanika pa mbvundzo wakutoma na lerini lemba ibodzi mwa malemba anagumanika mu ndima ineyi. Perekani marevista, pontho citani masasanyiro akubwerera toera kudinga mbvundzo unatowerera.

Ncenjezi 1 ya Malandalupya

“Tikucedza mwacigwagwa na andzathu toera kudinga mafala awa a phembero yakudziwika kakamwe idapfundzisa Yezu atowereri ace. [Lerini Mateo 6:9, 10.] Mwabva kale mafokotozero adidi akuti Umambo wa Mulungu ninji, pontho thangwi yanji Yezu augomezera kakamwe pikhapfundzisa iye? [Dikhirani ntawiro.] Revista iyi isapangiza kuti Bhibhlya isalonganji thangwi ya Umambo wa Mulungu kuphatanizambo maphindu adidi anafuna kudzabweresa Umambo unoyu pa dziko yapantsi.”

Despertai! de Outubro

“Tikulonga na anthu toera kuaphedza kugumana ntawiro wa mbvundzo uyu. [Pangizani tsamba yakutoma.] Musanyerezera kuti munthu asafunika kukhala wakupfuma toera kupembera mwandimomwene? [Dikhirani ntawiro.] Bhibhlya isapangiza maonero akulinganira thangwi ya pinthu pyakumanungo. [Lerini Luka 12:15.] Mwakubverana na Bhibhlya, munthu onsene anakwanisa kupembera mwandimomwene mu umaso. Revista iyi isafokotoza pyenepi.”