Maperekero Aumboni

Toera Kutomesa Mapfundziro a Bhibhlya pa Sabudu Yakutoma Ya Gonkho

“Tikucedza na anthu toera kudinga mbvundzo uyu wakufunika kakamwe. [Mpangizeni mbvundzo wakutoma pa tsamba yakumalisa ya Ncenjezi 1 ya Gonkho.] Ndi api maonero anu?” Dikhirani ntawiro. Dingani pabodzi mphangwa zinagumanika pa mbvundzo wakutoma, pontho lerini lemba ibodzi mwa malemba anagumanika mu ndima ineyi. Perekani marevista, pontho citani masasanyiro akubwerera toera kudinga mbvundzo unatowerera.

Ncenjezi 1 ya Gonkho

Tikucedza na anthu thangwi azinji asafuna kudziwa pinthu pya ntsogolo. Musabva tani munganyerezera pya ntsogolo? Musakhala na cinyindiro, peno musadzudzumika? [Dikhirani ntawiro. Buluka penepo lerini ibodzi mwa malemba anagumanika pa bokosi “Kodi Mulungu Afokotozanji Thangwi Ya Tsogolo.”] Revista iyi isapangiza pinthu pingasi pidapikira Mulungu kuti pinadzacitika, isafokotozambo thangwi yanji tinakwanisa kunyindira kuti pinadzacitikadi.”

Despertai! Maio

“Tikulonga na anthu toera kuona kuti tinathimbana tani na nyatwa yakutsukwala. Musaona kuti anthu ali akutsukwala kakamwe lero kupiringana kale? [Dikhirani ntawiro.] Azinji asaona kuti uphungu unagumanika m’Bhibhlya usaaphedza toera kuthimbana na kutsukwala kwawo. Ici ndi citsandzo cibodzi. [Lerini Mateo 6:34.] Revista iyi isafokotoza kuti midida ya Bhibhlya inatiphedza tani toera kuthimbana na mathangwi manai anabweresa kutsukwala.”

Cidzindikiro: Revista iyi panango inatundusa kakamwe anyamalonda.