Maperekero Aumboni

Toera Kutomesa Mapfundziro a Bhibhlya pa Sabudu Yakutoma Ya Khoni

“Tikucedza na anthu toera kudinga mbvundzo uyu wadidi kakamwe. [Pangizani mbvundzo wakutoma pa tsamba yakumalisa ya Ncenjezi wa 1 ya Khoni.] Ndi api maonero anu?” Dingani pabodzi mphangwa zinagumanika pa mbvundzo wakutoma, pontho lerini lemba ibodzi mwa malemba anagumanika mu ndima ineyi. Perekani marevista, pontho citani masasanyiro akubwerera toera kudinga mbvundzo unatowerera.

Ncenjezi 1 ya Khoni

“Kufumali kusapha anthu cifupi na 6.000.000 pacaka. Musanyerezera kuti pana cinthu cakucita toera kupungula nyatwa ineyi? [Dikhirani ntawiro.] Anthu azinji aphedzeka toera kusiya kufumali mu kudinga maonero a Mulungu thangwi ya nkhani ineyi. Mwacitsandzo, vesi iyi ya Bhibhlya isacitisa anango kunyerezera kuti kufumali kusakhuya tani anango. [Lerini 1 Akorinto 10:24.] Revista iyi isafokotoza kuti kudinga maonero a Mulungu kunaphedza tani munthu toera kusiya kufumali.”

Despertai! Junho

Lero, redes sociais zisacitisa anango kukhala na anthu azinji anaoniwa ninga axamwali kupiringana kalene. Musanyerezera kuti ndi upi n’khaliro wakufunika kakamwe wa xamwali wandimomwene? [Dikhirani ntawiro.] Apa pana uphungu wakuphata basa unalonga pya uxamwali wakuti usagumanika m’Bhibhlya. [Lerini Tyago 1:19.] Revista iyi isapangiza midida minai yakuti inakwanisa kutiphedza toera kukhala anthu a makhaliro akuti anango asaafuna kwa axamwali awo.”