Njira Za Maperekero Aumboni

Toera Kutomesa Mapfunziro a Bhibhlya pa Sabudu Yakutoma mu Nthanda ya Khoni

“Ife tonsene taferwa na acibale athu peno axamwali. Muli na cidikhiro cakuti munadzaaona pontho? [Dikhirani ntawiro.] Onani mafala awa aciwangiso.” Lerini na fokotozani mphangwa zinagumanika pa nsolo ung’ono pa tsamba 16 ya A Sentinela 1.° de Junho na lerini lemba ibodzi mwa malemba anagumanika mu ndima. Perekani marevista na citani masasanyiro akubwerera toera kudinga ntawiro wa mbvunzo unatowerera.

Sentinela de 1.° de Junho

“Azinji a ife asawangisira toera kugumana cakudya pontho anango nkhabe cakucita toera kutsalakana umaso. Musanyerezera kuti unadzafika ndzidzi wakuti nee munthu m’bodzi anadzakhala wakucerenga? [Dikhirani ntawiro. Buluka penepo lerini Masalmo 9:18.] Revista iyi isalonga ndi ninji cinacitisa ucerengi kuoneka. Isapangizambo pinalonga Bhibhlya thangwi ya kumaliswa kwa nyatwa ineyi.”

Despertai! de Junho

“Uphanga ndi nyatwa inagumanika mu dziko yonsene. Ninji pinacitisa kuoneka uphanga? [Dikhirani ntawiro.] Mafala awa a m’Bhibhlya asatipasa cidikhiro. [Lerini Masalmo 72:7, 14.] Revista iyi isafokotoza mathangwi mangasi anacitisa kuoneka uphanga, isafokotozambo kuti Bhibhlya isalonga tani pya kumalisa uphanga pontho unamala lini.”