Ndandanda ya Sumana 3 ya Maindza

SUMANA 3 YA MAINZA

Nyimbo 128 na Phembero

□ Pfundziro Ya Bhibhlya Ya Mpingo:

lv nsolo 3 ¶1-11, bokosi pa tsa. 29 (mph. 30)

□ Xikola Ya Utumiki Wa Mulungu:

Kuleri Bhibhlya: Nahuni 1–Habakuki 3 (mph. 10)

N.° 1: Habakuki 2:1-14 (mph. 4 peno zakucepa)

N.° 2: Thangwi Yanji Ndi Kwakufunika Kulonga Undimomwene Na Cinyindiro?—2 Tim. 1:7, 8 (mph. 5)

N.° 3: M’bodzi Na M’bodzi Wa Ife Anakwanisa Tani Kugumana Cidziwiso Candimomwene Na Ndzeru?—rs-T tsa. 174 ¶5–tsa. 175 ¶2 (mph. 5)

□ Nsonkhano Wa Basa:

Nyimbo 106

Mph. 10: Maonero Toera Kugawira Marevista Mu Nthanda Ya Mainza. Nkhani yakucedza. Phatisirani masegundu 30 mpaka 60 toera kulonga thangwi yanji marevista anadzakhala akutundusa mu cisa canu. Buluka penepo, phatisirani misolo yakutoma ya revista A Sentinela, phembani anyakubvesera kuti alonge mbvundzo na lemba yakuti anakwanisa kuiphatisira pakugawira marevista. Citani pibodzi pyene na misolo yakutoma ya revista Despertai!, khala ndzidzi ulipo, phembani kuti alonge nsolo unango wa mu A Sentinela peno Despertai!. Pangizani kuti revista ibodzi na ibodzi inagawirwa tani.

Mph. 10: Kodi Kulima Fodya Ndi Kwakutawirika Kwa Akristu? Nkhani yakucitwa na nkulu wa mpingo yakubuluswa mu A Sentinela ya 1.° de Agosto de 2012, tsamba 15. Pangizani kuti midida ya Bhibhlya inagumanika mu nsolo unoyu isaphata tani basa ku maonero a Nkristu thangwi yakulima fodya.

Mph. 10: Pyakugumana Napyo Pakugawira Matratado. Nkhani yakucedza yakucitwa na muyang’aniri wa basa ya m’munda. Phembani anyakubvesera toera kulonga pyakugumana napyo pidakhala na iwo pakugawira matratado mu nthanda ya Bingu. Pontho, phembani amwazi mphangwa awiri toera apangize kuti apembera tani pakugawira matratado nyumba na nyumba.

Nyimbo 96 na Phembero