Mianmar

Bokosi pa matsamba 108-109

CAKA CAKUBALWA 1933 CAKA CAKUBATIZWA 1949

MBIRI YACE Ali na pyaka pyakupiringana 50 m’basa ya ndzidzi onsene m’Myanmar, ndzidzi uzinji atumikira ninga muyang’aniri wa ofesi ya filiali mu dziko ineyi. Mpaka lero asatumikira ninga m’bodzi wa Komiti ya Filiali.a

Mu caka 1988, kwaoneka uviyaviya mu nzinda wa Yangon, pikwi na pikwi pya anthu akhafamba mʼmiseu mbakaphemba kucinja kwa makhaliro a ndale. Madzindza akathabuka kakamwe, kwaoneka kupomokera kwa anyankhondo, mbakhazikisa mwambo wa unyankhondo m’mbuto zizinji za dziko. Anthu azinji akhaphemba kucinja kwa makhaliro akhaphiwa.

Mu nthanda idacitika pyenepi, ife tikhafuna kutumiza lipoti yathu ya pa caka ya filiali ku ofesi ikulu ya ku Nova York, mbwenye njira zonsene zakupita ncibverano zikhadafungwa. Natenepa, mudadziwa ine kuti embaixada ya Estados Unidos ikhafuna kutumiza matsamba awo na ndeka ya helikoptero, ndanyerezera kuti mbatidatumizambo lipoti yathu pabodzi. Natenapa, ndabvala fato yanga yadidi kakamwe na garavata mbandienda ku embaixada.

Mukhaenda ine na motokala m’miseu yakuti ikhali na matope thangwi ya madzi akubvumba, ndaona kuti nzinda nee aukhali na anthu mbakafamba-famba. Pidafamba ine pang’ono na motokala ndagumana muti ukulu wafunga nseu, natenepa ndalimirisa motokala mbandifamba na miyendo pa nsidzo ukhadasala.

Mukhafendedzera ine nsuwo ukulu wa embaixada, ndaona madzana a anthu mbakakhuwa toera kupita, mbwenye anyankhondo akakhondesa anthu kupita. Ine ndaimira mbandicita phembero kubulukira mu ntima. Mamuna m’bodzi mudandiona iye kuti ndabvala mwadidi andithonya mbalonga: “Panango iye ndi m’bodzi wa anyabasa a embaixada.” Nakubva pyenepi, ndafungula njira toera kupita na pakati pa mwinji wa anthu. Pidafika ine pa nsuwo ukulu wa embaixada wakuti ukhadafungwa, nyankhondo m’bodzi wamphambvu andiyang’ana mwakunyingwa.

Iye andibvundza, “Ndiwe ani? Usafunanji?”

Ndatawira, “Ndisafuna kulonga na embaixador, ndiri na mphangwa zakufunika kakamwe zakuti zisafunika kutumizwa ku Estados Unidos.”

Iye andiyang’ana m’mphindi zingasi, mbafungula nsuwo mwakucimbiza mbandikwewera nkati, buluka penepo mbafunga pontho nsuwo kugopera mwinji unapita.

Iye alonga, “Nditowere.”

Kubulukira pa nsuwo wa embaixada, nyankhondo andikwata mpaka kuna nkulu unango akhaoneka ninga akhali wakuneta, wakuti andibvundza ninji pikhafuna ine.

Ine ndantawira, “Ndabuluka ku filiali ya Sociedade Torre de Vigia ya dziko ino. Ndiri na lipoti yakufunika kakamwe yakuti isafunika kutumizwa nthanda ino ku ofesi yathu ikulu ya dziko yonsene ku Nova York. Ndaphata miyendo, pinakwanisika kuitumiza pabodzi na matsamba anu?” Ndapereka envelope yanga kuna nkulu unoyu mbandilonga, “Munandilekerera ine nkhabe selo.”

Mwakudzudzumika, nkulu unoyu andicita mibvundzo mingasi. Buluka penepo andipasa cinyindiro kuti anatumiza lipoti. Mu kupita kwa ndzidzi ndabva kuti lipoti yafika pa ndzidzi wakuthema ku ofesi yathu ikulu.

[Cidzindikiro capantsi]

[Cithundzithundzi pa tsamba 8]

Yahova Afungula Njira

[Cithundzithundzi pa tsamba 8]

MAURICE RAJ

[Cithundzithundzi pa tsamba 8]

[Cithundzithundzi pa tsamba 8]

Ndapereka envelope yanga kuna nkulu unoyu mbandilonga, “Munandilekerera ine nkhabe selo.”