Yahova Asabvesera Maphembero a Atumiki Ace—Mphangwa izi zabuluswa mu Anuário das Testemunhas de Jeová de 2013 — BHIBHLIYOTEKA MU INTERNETI ya Torre de Vigia

Yahova Asabvesera Maphembero a Atumiki Ace—Mphangwa izi zabuluswa mu Anuário das Testemunhas de Jeová de 2013

Tsamba 91 ndima 2, mpaka tsamba 92 ndima 1—Mianmar

Nyakupfundza Akutoma Acikayin

Ntsiku inango mu caka 1940 mpainiya wakudziwika na dzina Ruby Goff akhamwaza mphangwa mu Insein cisa cing’ono ca nzinda wa Yangon. Mu kugumana anthu akuti nee apangiza cifuno mu ntsiku ineyi, Ruby aphembera, “Yahova, ndaphata miyendo ndiphedzeni toera kugumana ‘bira’ ibodzi mbandidzati kubwerera kunyumba.” Panyumba yakutowerera, iye acedza na Hmwe Kyaing wakuti ndi Budista Kayin wakuti abvesera mwadidi mphangwa za Umambo. Mwakukhonda dembuka, Hmwe Kyaing na anace awiri acikazi, Chu May (Daisy) na Hnin May (Lily), akhapfundza Bhibhlya mbathambaruka mwadidi mwauzimu. Ngakhale kuti Hmwe Kyaing alowa pakupita ntsiku zingasi, mwanace wakumalisa Lily, adzakhala wakutoma kubatizwa mu dzindza ya Kayin ninga Mboni ya Yahova. Daisy adzabatizwambo.

Lily na Daisy adzakhala apainiya aphinga mbasiya citsandzo cadidi cauzimu. Lero, madzana a madzindza awo na anyakupfundza awo a Bhibhlya asatumikira Yahova m’Myanmar na madziko anango.