Yahova Asatsidzikiza Atumiki Ace

Phwando yakutoma ya Paskwa ikhali yakufunika kakamwe. Pa ntsiku ineyi namasiku, pidaona Farau kuti mwanace wakutoma kubalwa afa, iye apanga Mose: ‘Lamukani, bulukani pakati pa mbumba yanga, imwe pabodzi na Aizraeli anango. Ndokoni, katumikireni Yahova ninga mudalongera imwe.’ (Eks. 12:31) Natenepa Yahova apangiza pakweca kuti iye asatsidzikiza atumiki ace.

Tingaona pinthu pinacitikira atumiki a Yahova lero, pisapangiza pakweca kuti iye asapitiriza kuatsogolera na kuatsidzikiza. Mwacitsandzo pinthu pyenepi pinaacitikira pisapangizwa m’muzeu wa ku Warwick unacemerwa “Anthu Akudziwika na Dzina ya Yahova.”

PANGIZANI VIDHYU YA NSOLO WAKUTI, ULENDO TOERA KAONA MUZEU KU WARWICK UNACEMERWA: “ANTHU AKUDZIWIKA NA DZINA YA YAHOVA,” BULUKA PENEPO TAWIRANI MIBVUNDZO IYI:

• 

  Ndi feramentu ipi idaphatisira Anyakupfundza Bhibhlya kutomera 1914 toera kukhulupira pinalonga Bhibhlya, pontho ndi maphindu api adakhala na iwo thangwi yakuphatisira feramentu ineyi?

• 

  Kodi ndi mayesero api adaoneka pakati pa atumiki a Mulungu mu caka 1916 na 1918, pontho ninji pikhapangiza kuti Yahova akhatsogolera gulu yace?

• 

  Kodi atumiki a Yahova apangiza tani kukhulupirika pikhatcingwa iwo na anango?

• 

  Ndi kubvesesa kupi kupswa kudakhala na atumiki a Yahova mu caka 1935, pontho pyenepi pyaakhuya tani?

• Khala imwe mwaenda kaona muzeu unoyu, ndi pinthu pipi pidakupasani cinyindiro cakuti Yahova akutsogolera na kutsidzikiza atumiki ace?